حاولت أنا اكتم عبرتي يوم فرقاه...........
..................وألملم جروح الزمان الطعينه

واعطيه من قلب المعنّى معاناه..............
...............وآخذ من جروحه ولو هي دفينه

وأضيع به في زحمة الناس وأنساه.........
..........وأنسى معه ذكرى السنين وحنينه

لقيت نفسي كل ما حل طرياه...............
..................عروق قلبي كلها تقول وينه

يامر على قلبي ولا شك ينهاه...............
.................كلي أنا تحت الإشارة رهينة

والزين ما يكمل ولو كان ماحلاه ...........
........................إلا حبيبي ماتغيّر بزينه

ماجيت أسولف عن حلاه ومزاياه............
...........يكفي أحاسيسي وقلبي عارفينه

الشعر يعجز وصفها في قفاياه.............
...............لكنها بعيني تساوي كل زينه

كن الفضا في غيبته ضاق مسعاه..........
................وكني غريقٍ ينتظر له سفينه

شف دنيتي ياصاحبي عقب فرقاه..........
..............مثل الظلام اللي حصل بالمدينة

باكتبه أنا في صفحة الشعر واقراه .....
.............وباذبحه بزود الغلا دون سكينة

وبارسمَه في لوحة الشعر وانعاه.........
................وبادفنَه بين الضلوع الحنينه

بوسط الحشا في داخل الصدر مثواه.....
..................إما يسار القلب وإلا يمينه

(( صحيح إن الحي يعطيك الحياة.......
.............مير البلا حيٍ وزادك غبينه ))

اخذيني
اخذيني اليا عجبتك بس رديني وان ما عجبتك خلاص اخذيني مابيني
ما دامني شفت فيك الطهر و العفة باعيف نفسي ليا منك كرهتيني
اخذيني لو أعتبر من ضمن أشيائك وأنا باحبك و لا لازم تحبيني
لابي علاقة و لابي نظرة و بسمه احساسي اني بقربك بس يكفيني
ولو اني انضفت لاشيائك غصب عنك طلّي علي يا غناتي لا تخليني
تراي لا جا المصامد ماني بهيّن تقول كن العرب لعبة بيدّيني
شخصيّتي من غرابتها و طيبتها كن الزمن في تحدّي بينه و بيني
اخذيني الشاعر اللي ما صدق حظه لا قلت يا حظ وينك قال يا ويني
اخذيني المبدع المتفلسف التحفه مؤمن و تضحك على العالم شياطيني
شهرة شكسبير و أفلاطون و نيوتن لا قلت لي بيت شعر تطيح من عيني
اخذيني العنصري اللي صدق متعنصرمن دون ربعي لو أقطّع شراييني
اخذيني اللي ليا منه طلب يعطى وتكفين لا من طلبتك لا ترديني
تكفين يا غايتي يا بهجة الدنيا اباحرق قلوب ناسٍ ما تدانيني
اخذيني بكل شوق و قولي أحبّه وان شكّكوا فيك والا فيّ ضميني
قولي سعد و الله انه غالي جدا وياجعل فدوه شبابي و آخر سنيني
وأنا باصدق كلامك و اعتنز بالله وباقول للناس ما يعنيك يعنيني
وأنا علي نذر ما أرخص جيتك و أنتي نذرٍ على رقبتك إنك ما تخليني
http://files.fatakat.com/2009/12/1259840474.gif .