احتاج ويخيب في هذا السهر ظني
ياليت الامال ما تاقف على غالي !

الناس للناس كذبه والدليل اني
اعيش حزن احتياجي و اسهر لحالي !

'

تمر الذكريات اللي وجعها كل يوم يزيد
وادمدم فوقها بالصبر وتعود علا ماهي

'

والله إني من غثا حالتي قلبي حزين
مير مابحت الحزن والمدامع / حولها !

ياوجودي لاسرا الليل ثم هب البراد
واستهاض الفكر والبال طاريَه طرى

وجد من حظه يمشيه في غير المراد
كل مازانت بوجهه جراله .. ماجرى

ويش اسوي يوم صديت و لّا ويش اقول
يوم بسماتي مواصل و بسماتك وداع

_

اليوم في غيبتك مانيب عاجز أجيك
لكنّي أخاف لامن جيت مالي قَدْر !

تفيض المدامع عند بيتك ليا مّريت
أكنّ العباير غصب والكبد محتره

امرّه واكابر ناظري عنه يا بلفيت
وتشهدلي الخطوات جرّه ورا جرّه .

وجودي لاسرى الليل ، والخاطر حزين
من صدوف الزمن مافيه شي يسعده