ياقلب طالـت قسوتـك وأنـت ليّـن=في قسوتك ياقلب ويش انت لاقي !؟
اللي تعـدّى عمـر ماهـوب هيّـن=والعالم الله كم مـن العمـر باقـي !
يمكن يطول .. ويمكن اليـوم أعيّـن=موتي .. ويبكون الحبايـب فراقـي

تنشد عيوني عنك وآقول شوفيه=بين أجتماع الشوف به وأغديانه
حلم يراودني من التيه للتيه=فج الضلوع وقال هذا مكانه
ليا درج سرح الحكي بين أشافيه=أبرآي لله من تبجح ثمانه
وليا تمنى قحويانه بختريه=ميّل بختريّه على قحويانه
عينت قلبي ماأوصفولك حرآويه؟=ياكيف ضيعته وهو معك أمانه؟
لومك على اللي سلمه لك بأياديه=وأومى عليه وفي يده خيزرانه
متغانم عمره ومتزاهدٍ فيه=ماتسمع إلا جوظته وأنهتانه
مالك على مثله كلام ومشاريه=صبٍ صويب وذاهبٍ ذيهبانه

الكلـب يوفـي والأوادم... يخـونـون=ياليتهـم كـانـو كــلاب بعيـونـي

اللي علـى جـرح المشاعـر يغنـون=تجمعوا في ...غيبتـي .. (وشوّهونـي)



في جيّتي أصحاب وأن رحت يحكـون=ماكنهـم بيدينهـم ...(صافحونـي)



لكن ورب البيـت ... مهمـا يقولـون=كسرتهم .. من قبـل ... لايكسرونـي

ماعآد به مايشد النفس ويهيضها=النفس صلفه وتاركها على فالها
يومٍ نفسي (عسيف) أوكدت ترويضها=واليوم كن العسيف تهوز خيالها

بعد الفراق اربع سنين عمر اللقاء لمحة بصر=مريت جنبه والتفت صدفه بنظره لامحه
احترت واحتار القدم بين الهزيمه والنصر=اكلمه مااكلمه ماشفت فرصه سانحه
انشل فكري وانذهل كيف الوسيله والبصر=بيني وبينه شفت أنا الحساد جايه رايحه
سوّد سماي وشفت مثل الليل في وقت العصر=في ثانيه جتني همومي كلبوها طامحه
ويلاه انا وش جابني من يم منحول الخصر=اكيد هو مثلي بعد اللي ذبحني ذابحه
عازين حنا عن بعض طال المدى ولاّ قصر=وكلٍ تعذر من نديمه بالظروف وسامحه
فرقا حكم فيها القدر لو كاننرفضها ونصر=فرقا نهار اليوم عن يوم امس هو والبارحه
بس القلوب العاشقه لازم تذوب وتنهصر=ماتعترف في واقع العشاق دايم جانحه
بالفعل هذا اللي حصل لحظة نظرته مختصر=واقفيت في قلبٍ عطيب ولا قدرت اصارحه
انهار دجله والفرات النيل في ديرة مصر=ماظنتي تطفي لهايب قلب شوقه جارحه
بقى يطيب الجرح لكن جدده همس العصر=في ثانيه انهار صبر اربع سنينٍ كالحه

ياغايبه كن الشقي محتريني=يومك رحلتي والفرح ودع وراح


رجيت وصلك هاقي انك تجيني=طول انتظاري زادني هم واجراح


صار اللقى معدوم بينك وبيني=ماكنه الا بارق (ن) بالوهم لاح


اخر رجا دمعات حارت بعيني=طاحت ومعها الحيل في غيبتك طاح


طال الغياب وسامحي واعذريني=تعبت من كثر الشقى ودي ارتاح


والصبر شوفي كم سرق من سنيني=ياغايبه والصبر لاطال ذباح


معذور مثلي لو شكى صدقيني=ظامي حنان وفاقد( ن ) شوف الافراح


ان كان لي ذرة غلا ساعديني=زيلي غيابك خلي الهم ينزاح


خليني انسى كل ماصار فيني=يمكني ارجع مثل ما كنت مرتاح

غيبتك هذي موجعه حيل بالذآت=ياليتها جتني بتوقيت ثاني
جتني وأنا محتاج لك وصل وشتات=وأغديت بدروب التجاهل زماني
لو شفتني صديت وأغضيت بسكات=تراي مأقبل شخص ياخذ حناني
مرآت أحس أني حبيبك ومرات=أحس كل الناس تآخذ مكاني