قبيلة بني رشيد - <سعود بن صبح< ياعين دوك ديار ربعن مناعير

إقتباس:

اقتباس من مشاركة منصور بن صبح (المشاركة 1662744)

هاذي قصيده لشاعر الكبير سعود بن سعد بن صبح العجرمي
عندما زار ديار الاباء والاجداد

[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فكرت بالدنيا والأيام تفكير = وأزريت لاأعرف مرها من حلاها

ياالعين دوك ديار ربعن مناعير=قدمي مشوا فيها وداسوا ثراها

فوق المهار معسكرات المسامير= حامين قطعانن جنبهم وراها

سلاحهم حدب السيوف البواتير=ودهم الرماح الي طويل قناها

واد المحاني دارهم والمجادير=والهم ليا حاذة وقمت قراها

ون اجنبوا يم الحفاير وابو بير=عدود بدو يبرد الكبد ماها

ديار ربعي ديرة العز والخير=ديرة رشيد وعبس مااحدن غواها

فيها سكن عنتر وشداد وزهير=حامينها والي بعدهم حماها

بني رشيد منزحين الطوابير=لاكبرت القاله ودارة رحاها

عاداتهم يثنون خلف المضاهير=لاسيقت العطفة ودوق هواها

في ساعةً يشبع بها السبع والطير=والضبعة العرجا تعشي جراها

يوم القبايل بين طماع ومغير=حامين ديرتهم من الي بغاها

عنها ابعدوا برماحهم كل شرير =خلي خلاف الخيل في ملتقاها

واليوم في نعمة ويسر وتياسير=كلن ينام وحربتة في خباها

حكامنا منا ولا فيه تقصير=الله يعز الدار باالي ولاها
[/poem]

صح لسان الشاعر الكبير سعود بن صبح على القصيدة الجزله التي تحكي تاريخ القبيله.
منصور بن صبح بيض الله وجهك على نقل القصيدة وسلمت ودمت ولايسلم ردي العزايم