قبيلة بني رشيد - صفحة الشاعر جازى البغيلى عنوانها شواهد من التاريخ

السلام عليكم
نعود لكم فى هذا المنتدى الراقى والمميز فى طرحه لنقدم لكم قصائد لم ترى النور لشاعر لايحب الظهور الاعلامى وقد اخذت منه هذه القصيده التى قيلت اثناء زيارة شاعرها للشيخ سالم العلى اطال الله عمره وهو يعالج فى مانشستر فى لندن وقد اجادت قريحة الشاعر فى هذه
الابيات

يابوعلى مثلك يقدر وينعاد =الله يمد بعمرك سنين وعقود
ويرجعك لبلاد لها القلب ينقاد =وديوان مبنين على العز والجود
له من جميع الناس زايرورواد =وزود على نوره اذا كنت موجود
وترفعلك البيضاء على روس الاشهاد =وعندى على ماقول برهان وشهود
كم من ضعيف ماهنا عينه ارقاد =وعليه من حكم القضاء منع وقيود
افرجت عنه وعاد لأهله والأولاد =وخفضت حمل اللى من الحمل مضهود
عاداتكم ياشيخ من عصر الاجداد =يوم الزمان اللى بها الرزق محدود
يادارنا ياكويت يادار الاجواد =دار فرشناها عن الشوك بورود
الله يبعد عنك ظالم وحساد =ويفكها من شر طارد ومطرود
دار تعز ضيوفها جمع وافراد =يوم السنين اللى بها الأمن مفقود
حكامها وان حصلو لقمت الزاد =يرمونها للشعب من غير مقصود
فى حزة الشده وفى وقت الأعياد =تصرف على الرملاء والأيتام والعود
ماوزعوها بين حامد وحماد=ولاقسموها بين سعده ومسعود
ونبى انوصى عقبنا اولاد وأحفاد =ترى الوطن يبذل لها كل مجهود
ويبذل لها الغالى وفلذات الاكباد =من خوف لايطمع بها كل نمرود
صونو حماها ياصعاصيع الأولاد =وصيرو لها حراس وافين وجنود
وكثر الكلام يطول شرحه اذا زاد =وخير الكلام الصدق والصدق محمود
وياالله ياللى لك من الخلق سجاد =تضفى علينا الستر ياخير معبود

الشاعر جازى البغيلى