قبيلة بني رشيد - أجمل أبيات شعر عن الفراق

إن جاتني ذكراك مسيت بالخير=وأيضاً صباحك خير إن جات ذكراك
وإن طالت الغيبه بليا معاذير=أقول عل الخير صبحك وممساك
طبعي كذا.ماشيل حقدٍ على الغير=وشلون وانته غير والقلب يهواك
أهواك لو بيني وبينك مشاوير=هذا شعور القلب لو كان يخفاك
ياللي جمالك فاق كل التعابير=والله ماللقلب فرحه بلياك
فتنتني ماكن غيرك غنادير=وكن السعاده كلها ملك يمناك
أسرت قلبي ثم أسرت التفاكير=حتى لساني صار أسيرٍ لطرياك
واللي خلقك وصوّرك خير تصوير=لوغبت عن عيني مدى الدهر مانساك
تبقى ويبقى الحب من دون تغيير=ويبقى الامل في رجعتك عقب فرقاك
وتبقى حبيب الروح واذكرك بالخير=وتبقى على بالي على الدوم ذكراك