اقتباس من مشاركة عايض ابن جوهر (المشاركة 1199239) اشكرك يا ابوسعود على التنسيق ولاهي غريبه منك انت رجل لك مواقف تخدم القبيله العريقه . وتخدم الشبكه الناجحه والموفقه بأذن الله ادارة ومراقبين ومشرفين وشعراء وادباء واعضاء أسئل الله التوفيق للجميع وتقبل مجاراتي لاأبياتك في زملائنا الحفاه من قبيلة عتيبه الهيلا بيض الله وجيههم وماقلنا من ابيات شعر قليله في حقهم ولك الأحترام والتقدير يالاجهر ,,,,,,, اهل الوفاء وافين في كل ميزان = ياحي فال اهل الوجيه المسافير اللي لهم وقفات في كل ميدان = بالوقت هذا والليال المدابير عتيبه الهيلا لهم بالفعل شان = ولاهي غريبه يالرجال المناعير وابن شويلع من طويلين الايمان = معروف جده بالسنين المعاسير وبني رشيد اهل مروه وشجعان = وقت اللوازم مانحسب المخاسير الخوه اللي رجحت كل ميزان = عشرين عام اللي مضت كلها خير

حي الحون الى تقدر بالاثمان = الى لها قيمة ومعنى وتصوير
حييت يانسل الدواهي كحيلان = عقيد قوم يحتمون المظاهير
من راس بن جوهر ولاني بلغطان = عندي على قوليى شهود وتبارير
نصيت ربعي يوم ما جوبهم حان = ياحي مالفانا لهم حزت عصير
وتباشرو بقدومنا والبخت زان = ربعن على شوفي تسوق التباشير
طبايعن تفرق من انسان لنسان = قوم قوايا عزوم وقوم مثابير
من صادق الحافي فلا هو بخسران = قوم لهم في صقل الامجاد تاثير