يالله باللي جميع الخلق يرجـــــــــونـــه= تنشي السحاب على العثموروالحره
ينشي عصر والرعد يرزم على ركونه =وتشوف العين والأحوال منـــســـره
واليا تياسر على رماحه يـــــخـيــلــونه =وجيك الاخبار بالارواغ الـــه جــره
واليانقسم من عثاميره يـــعــــــــدونـــه =من عند دار العقيد لدار ابن ســمـره
واليا تحدر وبرقه يكشف مـــــــزونـــه =يركد على دار ابن براك ويـــــمـــره
ويمر دار العلم والصبح يــطـــــرونــه =ويطيفي ليهيبٍ بصدري زايدن حـــره
ويذكر شعيب المخيط سنين يـــردونــه =وعوج العراقيب تقطف طيب الخضره