والله اني عليك اشفق من امك عليك =وانت غايت مرادي من جميع البشر
والله اني على عهد مضى يوم اجيك=الـعـهـود الوثـيـقـه لا نـهـايـة عـمــر
خـادم تحـت رايـك خـاتـم فــي يـديـك=الله اللـي صخرنـي لـك بلحظـة نظـر
دايـم اراقبـك وتشـوق نفـسـي تبـيـك=لكـن احتـار مالـي فـي وصالـك عـذر
شاقنـي حبكـم واشتـاق قلـبـي يبـيـك=واشتكالك ضميري من همـوم وقهـر
الله اللـي عطـاك الزيـن مالـه شريـك=جـل مـن صـورك بـالارض درة بحـر
يوم اوصفك مادري ويش ابقول فيك=ان تنحيـت عنـي وان نطحـتـك قـمـر
ولو شكيتك ياكثر الي معي يشتكيـك=مـن يشوفـك بليتـه وابتـلاء بالسهـر
آه يـاعـزتـي لـــه لاوقـــف يحـتـريـك=وده انـــك تــمــر او يــمــرك مــمــر
انت مرتاح طبعـاً ياحلـو وش عليـك=عارفـاً ان الشبـاب يصدقـون النـظـر