صح لسااان الجزل المبدع عايض لابير
وتسلم يدينك على هالرااااائعه اللي تدل على ذوقك الراقي



دمت بـــــــود

بديت ذكر اللي تضج اله الاصـوات=رب فـرد مالـه شريـك مسـاوي
محصي العدد فطار سبع السماوات=المغني المفقـر جزيـل العطـاوي
وبديت في راعي الحروف القديمات=مظهر حقوق الله على كـل غـاوي
الجاز قـلاع الضـروس القويـات=كشاف بالحيـلات كـل الغطـاوي
يامير يامتعب مهـار(ن) عريبـات=صم الحوافـر فايتـات الاهـاوي
كم واحد(ن) يشكي منك عد مافـات=اصبح فقير(ن) عقب ماهو غنـاوي
اخذتهـا بالحكـم مابـه مـروات=وطويتها بالسيـف طـي البـراوي
ولك على المخطي مدال(ن) بعيدات=سلايـل المقـرن بعيـد الهقـاوي
عطني عطاك الله جنـان نعيمـات=اقبالت(ن) وهدايـت(ن) للرجـاوي
عطني ترى ادياري ماهي قريبـات=بيسر شعيب الروض بدنا المطاوي
ومن دونهم خشم العلم هو وبانـات=والذيب دون اللي فرى الجيب عاوي
والناس تهديلك هـداوي ضهيـرات=وهذي هديتـي يامحـل الهـداوي