الله يصبحك يا فازع برزق وخير = يوم ٍ بعض العرب في مرقده ثاوي
ما شفت لي مع طريقك يالرشيدي طير = حر ٍ وصوفه ماهي بوصوف حنداوي

يا هيه ما تدري أني وسط ربعي أمير = وأنته تغني وكنك بكر هوساوي ههههههه
ليتك على أسمك وتفزع له بشي ٍ يسير = عسى تسجل لك الحسنات يا ضاوي

لا تسب الاجواد وأنته وسطهم مستذير = وحنا رجال الوفا نعرف من نخاوي
لبست لك ثوب ماهو لا طويل وقصير = وتاريخكم يالخلاوي بالعرب خاوي

كلامك الاولي ماهو بمثل الاخير = راحت علومك كما تصريح طنطاوي
اللي يبا الستر يلبس يالرشيدي ستير = والناس بالدار لا ترحم ولا تاوي