انا أكبر القوم وادمح كل علماً وضيع = وان عالت السالفه صديت واعيفها
هذا البحر يالشمالي وانت صدرك وسيع = وراع السفينه تراه ابخص بتجديفها

وشبك تنفرزت والمعنى بثوب الضريع = ماكل جملة لياحصلتها اتضيفها

صدري شمالي ولا لي بالسفينه وديع = ابكيفها والهوا لاهبت ابكيفها

لاتلومني هالزمان الصعب كله ربيع = حتى لحى أهل الشريعه هان تنتيفها
انته بدنياك لاهي ماسمعت المذيع = وتبقى الرسائل مخباه بمظاريفها

مايجزع اشعيل لو يهوي على كل ريع = انته معك حكمته واحسنت تصريفها

جتك الرساله لاعلك لاوصلت تستطيع = اتردها ماتغير في محاريفها