العير لونه على ماقال ماصابه جفال = يطمر بيوت العز مايدخل مع بيبانها

خل القضيه في ورقها مالكم فيها مجال = وان كان بك شده تزور الخيل في ميدانها

مشكلة نهار الشتا قصير مايمديك تصلي الجمعه الا العصر مذن ههههه

السلام عليكم
سوال تقليدي
كيف تقول والله ماعمري قلت ومعرفك زعيم الشواعير

ياهلا وياغلا بالسؤال وراعيه سؤالك يدل على انك ناويلك نيه لكن الله يكفيني شرك ههههههههه

ياخوي الاسم لقب عطانياه شاعر من الشعرا وانا مااقول اني افضل شاعر لاني ارى نفسي اقل واحد بالمستوى بين الشعار كلهم وانا والله اني صادق فيما قلت ولاله شغل المعرف فيني

بعض السوالف يازعيم الشعر من نسج الخيال=خل التخيل والطيور تبين في جنحانها
الشمس يحرق ضيها والا الشجر فيها ضلال=والحرب خضناها ودرنها بشد الوانها

انته تعاين بالسما ولاتعاين بالسهال = احسب نواتجها على عرف وتعرف اثمانها

والعرف من ماض الزمن يوخذ من صدور الرجال = وانا عطيتك حجة ن مايختفي برهانها

استأذنك ياالشاعر الكبير وسامحني ابروح اصلي مع الشايب واقهويه والله يبيض وجهك اللي خليتني اتشرف بهالطاروق معك

البقا ولاهنت ويا هلا وغلا برد الجواب وراعيه
*
كان مجرد سوال بس وش دخل النيه ؟

ياليتك تعلمني من ذا الشاعر يمكن يقولي
مثل ما اعطاك من الالقاب

لاني علي وشك كشف اسمي ودخول الميدان :) *

تبيني ارسلك اسمه برساله خاصه ارسلك ماعندي مشكله لكن ترى هو ماهو معروف الا بحدود القبيله فقط وان دخلت الميدان انا اول صفوفك منت اردى من الشعار الللي دخلو الملعبه هههههههههه