إلى سعود بن عبدالمحسن أمير حائل...للأمانة منقول
 

إلى أمير منطقة حائل الامير سعود بن عبدالمحسن بكارثة طالبات جامعة حائل*

إثنا عشـر ورده بذمّتْـك ياسْعـود
وبْذمّـة التعليـم واللـي يـديـره*
وبْذمّة اللي مابيـوم ٍ عطـا جُـود
السّنْتلِـيّ الله يعـجّـلْ مصـيـره*
أرْواح راحتْ واِدْمعتْ عين مضْهود
وآهات أمّ وخـيّ حاسـوا مِرِيـره*
معْ حايلْ اللي حِزْنها برْق واِرْعُود
دوّا مـن الحـرّه لحـدّ السّعيـره*
إلْيا متى والوضْع مايتْبعـه فُـود؟
واِلْيا مِتى والحـال دايـمْ مِرِيـره*
واِلْيا مِتى ماينْهضْ الحـظّ مقْـرود
وِالْيا مِتى الدّيره عذابـه بِشِيـره؟*
ياسْعود خاف مسيّر الريح والنّـود
إرْم العقـال لحـايـل ٍ ياأمِـيـره*
إضْربْ بسيف الحقّ واعْدِمْ لنمْرُود
والعـدْل تكْفـى لاينـام بجِفِيـره*
كثْرت بلاوينا والاسبـاب موعـود
في تجْـرة ٍ خلّتْـه ينْكِـر بدِيـره*
عاث بفساد ولمْلمْ امْتـار وِشْـدُود
والمشكله بالكِـذْب يِسْمـعْ هدِيـره.

انا لله وانا اليه راجعون

صارت هالباصات تجاره والمتضرر الاول والاخير طالبات العلم

لابد من اتخاذ قرارا وبسرعه لحل مثل هذه الكارثه فهي مسؤيليه يسال عنها صاحب الشان

السلام عليكم ورحمه الله وبركاته
قبل كل شي الحمدلله ع كل حال
وعظم الله اجركم ياصحابنا في بناتنا
وبذن الله شهيدات
والله يصبر أهلهم
ولايسامح من كان السبب
عظم الله اجركم وعظم الله أجرنا
‏ في ضحايا السير مدري ضحايا الجامعه _

لآحول والا قوة الآ بالله


آنآ لله وآن آليـه رآجعون


حسبنآ الله ونعم الوكيل