لاهنت...

سمرت بصحبة حروف القوافي
أحمّلهـا تناهـيـت خـوافـي
أشكّل بالحروف ألوان صـورة
أحرّكها من المعنـى بصافـي
أشيل الحرف من معنى لمعنـى
وأداري ما ظهر وأظهر بخافي
وإلا مني عطيت الحرف ونّّـة
بها حرفي على النجمات طافي
يقوّم كـل نجـمٍ مـن منامـه
أنا ما نيب أسامر نجم غافـي
يجيني كل نجـمٍ منـه معنـى
ولا قد قلـت للنجمـات كافـي
تصورلـي دمـوعٍ وابتسامـه
من عيونٍ تقصوت ما تشافـي
ألا يا نجم يـا عالـي تبصّـر
شف بعين المحبة عين وافـي
وخبرني عن علومـه وحالـه
عسى قلبه مع الأشواق دافـي
وخبّر صاحبي عن حـال خلّـه
ترى يمشي على الأشواك حافي
ولو ممشاي في جمـرٍ يفيـده
مشيت بجمرها كنّـه عوافـي
ولكن وش يفيده لـو ذبحنـي
ومن يوصف جماله عقب قافي