|
بين كذبك والقصيدة
ماهقيتـك ياخويـي ماهقيتـك تلبس اللي يستحـن ويفتنـن إحسب انّي لا تردّت إنتخيتـك ما احسب انّك إتـردّى زيهـن لا تكسَّر ساعـدي ومالقيتـك من يشرّف ساعدي عند المحن تحسب اني ماعرفت ومارأيتك والله اني شايفك رغم الوهـن والصراحة يوم شفتك إهتويتك قلت ابا البس معك ثوبن هاوين والله اني إنجرحت وما شكيتك قلت ازيد الطين بله وارتهـن بين كذبك والقصيدة مار ليتـك تعتذر لي عن خطاك وتحتسـن الشاعر / فيصل البركي |
إقتباس:
هلا بك اخوووي بندر وحياك الله في صفحاتي ومشكووور على متابعتك والتميز يعووود لشعرائنا المتميزين |
لحآلك لاتلفـَّت وانت في جوِّي ومِحيَامِي
تلثَّم عن شعآع العين لايلمح من الخوف النظر ويثير بك شكَّ الهوى ويخآطفك عن مخلب اللهفة عُقـُبْ فورَ النفَس فِي صَدرِي اللي مَا هَجَد لحـْـظة نظَر عَن لَمح مطْلآعَك ومقبَآلك ومدخآلك مبين مفتـّق الظلعين والظليعن ياكسرة زرآفيل العجب والذوق يآبآبي عَلى رفووووق الجدَآر آخاف يسْمَع وأكتب حرُوف الدخُول وأفضحَ المخرَاجْ ساعة واسافر ..! / لاتحيِّر طريقي..! إن كان في بالك ندم قول : سافر ..! تعوَّدنا على كبـت الألـم فـي فلِّـة حجاجيـن تعوَّدنا نجازف بالجروح ونضحك ب[عاااادي...!] مبادعات بيني وبين رالشاعر/ مايريدني اذكره الرسائل المرسلة / فيصل البركي دقّيت قالوا لي ترى الرقم مشغول قلت : العزا ياكسحتي باتصالـي عادي/ ولايطلع لي الرقم مقفول يا اخوي كلِّمنا تراك انت غالـي صندوق الوارد/المرسل مابي اذكره أنت بخيالي ماسك العرض والطـول لو طالت الغربة وضـاق المجالـي مير انِّي احيان اختشي ارسل (الكول) و(الكول) هاليومين هن راس مالـي الرسائل المرسلة/فيصل البركي خذها ولا جزء من النص مرسـول حالي شقا من شين حالك وحالـي ضايق واغنِّي للفرج ( ليه ياااحول) (من غير ليه) آقول: ( ياهمَّلالـي) عايش على رنة وقفلة ولا آقـول: غير الرجـا باقـي بتـالَ الليالـي صندوق الوارد/المرسل ودّك نـرد الريشـة لطيـر زاجـول ونكتب رسايلنا علـى الجلـد تالـي مدامها صفر* جزء من النص مفقود* (.........................) إلى هنا إنتهى رصيدي ورصيد الي يراسلني من الرسائل شكراً بطاقة سوا |
لازال شاعرنا فيصل يمتعنا
بكل ماهو جديد وجميل ومشكوور على طرحك المميز متابعه بشغف لتذوووق كل ماهو جميل من صدى اشعارك |
نصفـكاهية
1 وش نكْبتَك يانكبةَ الصين والـروس أزعجتنا وش بك من الليـل مَ تنـام لاتقول لي أضغاث أحلام و(ا)حْسوس من زين وجهك زيَّنا تشوف أحلام ..! كابوس نام وشاف بالنوم كابـوس مدري من اللي فزَّع الثاني وقـام ..! _______________________ إلى انسان على القلب [ عزيز ] يا ذيب ماتخْلِـي مراقيبـك ذيـاب حنَّا معك بالوصـل فـرد وجماعـة لاصِرت مشرف لك على راس مرقاب إزهم وجرَّ الصوت في كـل ساعـة درب المراجل صعب ياضدَّ الاصعاب (إ)يضيق بالأنفاس رغـم اتِّساعـه إلاَّ انت ياعاكف معاكيـف الاشنـاب اللي لهـم بالمرجلـة والشجاعـة لاشـك مايلْحَقْـك منقـود وعتـاب الله يعـزَّك بالـرضـا والقنـاعـة ___________________ إلى أحدهم أخلفت طرق اللقـى ياجيَّـد الخبـرة قامت على حثّ غيض وزانت طروقك لاهنت انا لي مَعَك موقف وبه عبـرة مدري منين امسك الجرح اللي يعوقك لاتضطرب بالسمـاح وحـدَّة النبـرة تنفَّس اصفى الرضى ودوبك بمعلوقـك البادي اظلم من الجاني علـى عشـرة وانت ابصر بدربك وماجيت ابا آسوقك انت المعزِّب وانا ضيفك على القـدرة مجبور اذوق ابيضك وارضى بمحروقك والمعذره والعفـو يالصـادر بشكـره والشكر وارقى التراحيب اللي تروقـك __________________ هبَّ النسيم وذكرتـك بينـي وبينـي والشمس غابت وحانت لحظة اشواقي نار الهوى ياوليف الـروح تكوينـي تحرق معاليقي وتستنـزف اعماقـي الشاعر / فيصل البركــــــي |
متابع يافيصل لك وشكرا ادري طيبتي غلطه على الموضوع
مع تحيات خالك مسند |
فكرة وطرح جيدوبداع تشكرى علية جزيل الشكرلك منى التحية والتقديرفاالى الامام
|
إقتباس:
مشكوور على تواجدك ومشكووور على متابعتك ونعم الخااال والله ومرحبا بك |
إقتباس:
هلابك اخوي عويض ومشكوور على اطرائك يشرفني تواجدك |
عدم الرد لا يعني عدم الحضور
... متواجد دوما هنا |
ياضيق الصدور
أه ياضيـق الصـدور .. وآه ياكثـر الطـعـون فـي زمـانٍ فيـه حتـى كلمـة أسـف ماتفيـد لين قلنا .. مرحبـا وأهليـن فيمـاً .. لا.. نريـد قال ياااطيبك .. ولـي فـي طيبتـك مغـزا بعيـد وانت مرسولٍ مـن الغالـي ولـو باسـك شديـد ثـم قلـه ماهجيتـه / ...لا .. رثيتـه بالقصيـد لين طلت شمس صبحي .. واشرق العلـم الأكيـد سكرآتـه لا تغلغـل .. بيـن شريـان ووريــد ولا إلـه الا الله .. المعبـود واحنـا لـه عبيـد ومن عمل للأخـره فـي دنيتـه .. هـو السعيـد للإ لاه الواحـد المعبـود ..ذو العـرش المجيـد ترجع اليـا مـن كـلٍ .. يلعـن ابليـس المريـد يعنـي يكفـي ماسبـق .. او اليكـم .. بالمزيـد مع ضجيج الناس شفت .. شايبٍ يمشي بهون حزن / ممزوج بوقار..! قال لي أرجوك عيـد ؟؟ قلت فـي زمـانٍ فيـه حتـى .. كلمـة آسـف ماتفـيـد وان ركضنا / ماوصلنا .. وان وصلنا / وش تريد..؟ وان عطينـا / ماعطينـا .. لا رصيـد / ولا رصيـد يتبعنـا كـل غـاوي .. والغـوى دربــه مـديـد له مقـام / ولـه مقـال .. وعـن دروبـه مايحيـد حكمته في هالحياه .. ( فراق بعـض النـاس عيـد ) من ولييييد .. وطاح يبكي .. قلت / ( لا ) ياابو وليد شاعر / فيصل البركـــي |
البارحـه ماتهتنـا العيـن بـرقـود
من هاجسـا بالقلـب محـدا درابـه والمجتمع نـدري عنـه ويـش مابـه واليـوم شاعرعـن عبس بالنيـابـه يومـا كلـن يحتفـض فـي جنابـه وحنا على ديـن النبـي والصحابـه ومن هزه الشيطـان يطحـن زهابـه وبدروبهـم تشبـع عيـال الذيـابـه وانتـم سبـايـب علـتـه ولتهـابـه وهذي نهايـت كـل مجـرم إرهابـه من طاح بالميـدان عطبـن صوابـه في رايـت الاسـلام ماهـي نهابـه وعداد ماهـل المطـر مـن سحابـه علـى طريـق الحـق يقـرى كتابـه الشاعر ............ فيصل البركي |
هلابك
اخوي بقايا انسان وبحضورك المشرف |
ما زلنا متواصلين مع شاعرنا المميز
فيصل حمد العويمري اللذي امتعنا بحضوره المشرف وبشعره الرااائع اهلا بك شاعرنا |
حكاية مؤلمة جدا تتكرر في المستشفيات
وهي /إهمال الطبيب وخيانة المهنة وهذه الحكاية حدثت في مستشفى المساعدية في جدة والدور في هذه المرة كان على الطفل : (متعب) وعلى يد الطبيبة : وفاء طرازي واذا كان للشعر رسالة فهذه رسالتي إلى:طبيب/طبيبه http://www.el3en.com/upload/wh_72170450.gif لـك الله ياصغيـر السـن ماتـدري ولاتعلـم لقو فيك الأطبا جرح .. وكلِّن غزْ بـك إبـرة ومع إبرة .. ورى إبرة ..يغيب النور وتظلِّـم ولا لك ذِكر غير امسك .. ولا لك حلم في بكرة http://www.el3en.com/upload/wh_43830249.gif باستفزك ياهجوسي واكتـب حكايـة حزينـة ودي اجمع كل حزني واستثيـر بقـاف(أوه) (أوه) ياقلبي توجّع واجعـل القسـوة لعينـة الحكاية ضاع متعب وودي احزن مثل اخـوه يُذكر انّه كان متعـب فـي مرايـا والدينـه إيتمسّى عنـد أمـه ويتصبّـح عنـد ابـوه طفل توّه في مهاده ماوصـل سبعـة سنينـة ماتبرعـم فيـه عقـل ولا تنبّـا وراقـبـوه جمّله ربه بصـورة والهمـه إسمـه ودينـه يشهـد ان الله واحـد لا إلــه الاّه هــوه يعمي السكين نور ويقطـع المُعجـب يدينـه ويسلم التفاح خدّه .. بالشواخـص يشتهـوه طاح في زحمة عيون الناس وانجرحت يمينه وصاحت امه له تنادي : ياوليـدي إلحقـوه ضاع دمه فالبـلاد وذبلـت اطرافـه وعينـه إلحقوه.. دمه اللي ضـاع دمـي.. أسعفـوه والممرض والطبيب وإبرة وشـاش وقطينـة سبـب الله طبّهـم للشفـاء ومـا شـفـوه شلّوا اطرافه بإبـرة ثـم راحـوا مهملينـه ياحسيـب الله عليهـم دون حـس يعذبـوه حي ميِّـت مايشـوف ومايحـسِّ بزايرينـه ياحسـافـة /زاوروه وكنّـهـم مــازاوروه تشتكي بالدمع عينه يوم ناموا عـن ونينـه عجزهم والفقر عزّا صبرهم فيـه/ ونسـوه مين متعب ؟ وين متعب ؟ وين زحمة معجبينه أتعب الذكرى وغاب وكشّـرت كـل الوجـوه سكتت الأصوات عنده يوم سالـت دمعتينـه (دمعة) تكفكف دموع و(دمعة) تقول: اسمعوه ضاع صوته والدموع (إ)تترجم حروفٍ حزينه والكلام اللـي تحـدّر فـوق خـده يجهلـوه الشاعر / فيصل حمد البــــــــــــــــــــــــــــركي |
فعلاً قصه انسانيه
وهدف انساني وحسبي الله على كل من تسووول له نفسه التلاعب بصحة الاخرين والتطبب فيهم اخي فيصل كتبت الشعر فابدعت فيه وظفت احساسك لاغراض انسانيه جزاك الله خير الجزاء |
ياوليف الروح روحي عنـد روحـك ياوليفـة
ماني مكـذِّب لقـاك ومانـي مصـدِّق بصـدِّك هذا انا عندك فديتك زِيـن مـع روحٍ ظريفـة إجمعينـي بالعيـون وأطرحينـي عنـد خـدِّك واضربينـي بالجدايـل واقسمينـي بالنصيفـة بين جدّي وبين مزحك/بين مزحي وبين جـدّك إحسبيني كم أساوي ؟ / وعقبها الناتج نظيفه> >ضرب طلعك/كسر جذعك/جَذر ساقك/جمع قدّك يامصيفي وشَط وجدي وياشتا ظلعي وخريفـه يابحر سرّي وبوحي وياقمـر جـزرك ومـدّك يالغيـوم الممطـرات ويازَهَـر قلبـي وريفـه علميني ويـن اسافـر فيـك بعيونـي واردّك أو أخلّيكي تضيعي فـي غرامـي دون شيفـه أو أخاف افقـد ضياكـي بالظـلام وأستبـدّك ياوطـن يامملكـة جنّـات يـالأرض العفيفـة يا انتصار الجندي اللي إستقلّ العشـق حـدّك دوّرينـي فـي عسـام الإنتظـارات العصيفـة عاهدي بعضي بالامس وواعدي بعضي بغـدّك رممينـي مـن حطـام الإشتياقـات العنيـفـة إنحطم قلبي عليك وإشتكـى الأشـواق ضـدّك لملميني ؛ جزّئيني (عشقي/وشخصي/وطيفـه) والقطي منّي جُـزَيءُ وأصنعـي خاتـم ليـدّك هذا انا عندك وصلتك ضيف لعيون المضيفـة إذبحي بالحظـن شـوق وقلّطينـي فيـه اودّك أجبري بالصدر مكسورات الاظـلاع الصخيفـة واكسري كلَّ الظلوع اللي على صدري تهـدّك الشاعر / فيصل حمد البركي |
http://www.watein.com/4images/albums/24/1.jpg
. http://www.watein.com/4images/albums/24/asa18.jpg نُولد من الطينة يتاما وغرابا نرضع على الشارع والاحظان طينا وهذا أنا طفل وزنودي شبابا يتيم ماحولي من العالمينا أصحى على حرب وصياح وخرابا واسمع أخي بيقول( القدس لينا) أفزع من الهندول ثم اتحابا واضحك على عتبة ملاذي حزينا إلى متى واحنا نهشّ الذبابا عن فقرنا والخبز غالي علينا وإلى متى واحنا ضعاف وغلابا وإلى متى والذل يكتف يدينا . http://www.intifada.com/boyarrest.JPG كذا حنّا عقب مامات قائدنا صلاح الدين تشردنا وتغربنا بلا قائد ولاعزَّة بقايا العز بيدينا من حجارة جدار الطين سلاح جهاد عن حيفا وعن عكَّا وعن غزَّة لك الله مارضينا الذل والحقران والتخوين وانا أصغر حماة القدس..أخَطْفَ الراس واحزَّه واذا قدْروا علي الجند أبا اذكر موقعة حطين وابا ارثي عزَّنا اللي فات يوم الجند مرتزّة . http://www.shabab.ps/vb/imagestore/2/21134.imgcache.jpg الشاعر / فيصل حمد البــــــــــــــــــــــــــــركي |
عمري عند شطك أستغيثك واشتكيك
من عيونك عذبتني وجننتني وابتليت يوم جيتك من بلادي ودّي اني ما أجيك لنّك انتي مهملتني وماتبالي ليه جيت مالمحتي في عيوني طفل نايم في يديك تدري انه كان يكتب في عيونك ألف بيت سقت روحي لك مودع عند بابك وارتجيك ودي امسح جفن عينك به سوادٍ مستبيت لاتبيني للكواكب يحسدنك ناظريك لاتقولي (إنك اجمل) قولي (اني مارأيت) طول ما انتي جاعلتني بس اهوجس بس فيك ودي اكتب لك قصيدة واحلف اني ماوفيت أحلف انك لو زعلتي كل شي يرتضيك واحلف انك لو رضيتي ... من طموحي إنتهيت نار شوقي جننتني أشتكي لك واشتكيك ليه انتي سالبتني كل عقلي وما نسيت الشاعر // فيصل حمد البركي |
ياظنِّي المأثوم عن هاجسي خِبت
لاتنهزم وتقول طوَّل غيابه يجيك لا اشتدَّ الوطيس وتصوَّبت متحيزم القيفان باحلى ثيابه كالسيل متحدِّر من الشعب للخَبت يستفزع الفجَّ العميق وشعابه يسقيك مدري يغرقك لا تعجَّبت يموج بجيوش الجزايل مهابة أما انت ياللي بالمحبة تعذبت واهدرت عمرك بين لهو وصبابة لك مهرةٍ تاخذ عليها الهدَب رَبت تزفر ملي جوفك وتشهق عذابه إلا انت ياقلبٍ كما الثلج ماذبت دافي على شكله ويجحد صوابه لادَلقس الليل الغريب وتغربت واستوحش الخاطر وحَسِّ بغرابة إحطب من اللي يابس بقافية (إبت) ولاتحطب الأخضر على قاف (آبه) وشب نارك لارتكيت وتطرَّبت وكمَّل ابياتك وجرَّ الربابة الشاعر .. فيصل حمد البـــــــــــــــــــركي |
من شعر التفعيلة
وجود ألليل من همسك .. هـُـجووووود والصبح شعشع لك عشيق لله لله السجود... ألبدر مع لمسك وطا أرض الدفاتر وانطوى وارتاح في حسك دفا لله لله السجود... ألكون ما رد الصدى إلا قصايدكي نشيد أكيد ماغيرك أكيد له صوت واحساس وندا.. تدرين ياهمس القصيد.. ألليل من شعرك جديد والكون ما لبّى الندا إلا حكاياتك غنا... لله لله السجود.. الروح مع حسك نست ترجع لجوفي من جديد فالليل تروح وتغيب ولا شعشعت شمسك تعود... لله لله السجود.. ياجنة احساس وجمال شلال وطيور وجبال بالله حطي لي قيود... لله لله السجود.. أهيم في أرضك عجب أنسى المسافة والتعب بالله حطي لك حدود... وجود..! يا كل الضدود في زين قيفان الكلام لو مت ماجاني ملام لو عشت لايمكن يطول... لن الورق فيكي عنود ألحبر والريشة شهود إنك مليتي دفتري لله لله السجود..! الشاعر / فيصل حمد البركـــــــــــــــــــــــــي |
فزَّ الخفوق وثاعت بنبضـه الخيـل
تركض على حِدْبَ الظلوع المتينـة إتثير نَقْع العشـق هـمُّ وغرابيـل وتعمي قليبـي عَـنِ دْروب دينـه وْتَجذبـه جـذب الوتـر للمواويـل وتعزف على ماضيه ذكرى حزينـة إتبثْ في شاشـات عينـي هماليـل عبْر الحنين اللـي يخايـل سنينـه مُبَاشـرة ماهـي ظنـون وتماثيـل الصوت واضح والمَشَاهِـدْ مُبِينـة كنِّي نفذت هنـاك بيـن المخاييـل واصبحت فالميعاد فـي ظـل كينـة بين القناطيـر وقناطيـري تسيـل تسقي جِذِرْ من >عِرْقْ زمِّه> ونينه ياكينة آوينـي غصونـك مظاليـل و/هَبِيْ لِرُوحي من سكونك سَكِيْنَـة فلِّي لي فروعـك وميلـي/ تفاليـل إدْني عَلَي بادفـى براعِمْـكْ لينـة دمعات عيني عند جذعـك مقاييـل عن قيض لفحات الغـرام اللعينـة كوني لهن باوراق عِذقـك هناديـل ثم اجمعي فيهن مـن العـجْ طينـة ثم اصْطِبِي فـي ذِروتـك للمقابيـل عسِّي لي اطراف القرى والمدينـة ماتلمحي ظبي الصمـاد الجويفيـل؟ أرعيه عفري/ يجْهِرِك في جبينـه رهيف ساق وعنق /وزويله (زويل) طويل وأقصر منِّي ان غضْ عينـه يقبل نهار ويدبـر بضافـي الليـل في مقلته أمـواج تِغـرق سفينـة لا اقبل من الشام/ يْتنازل له سهيل وان جا من الغرب/ الثريـا دفينـة نوبات لنِّه بـان نشـوان بالحيـل ماتفقدي نور القمـر فـي مبينـه ودِّي أحلل لـك وصوفـه تحاليـل واقضْ لك مغشاه واكشـف ثمينـه لكنِّ زِين الوصف مـوت وتعاليـل تخنقني العبرة على وصـف زينـه يارب غفرانك عن الذنـب والويـل العشـق قلَّبنـي علـى جانبيـنـه جانب يبهِّر دلِّـة الشـوق بالهيـل ويسوق يمنـايِ لْمصافـح يمينـه والجانب الثانـي سنينـه محاييـل تلعب به رْيـاح النـوى والغبينـة الشاعر / فيصل حمد ابن بركي |
ياقارس الشمالا
هـبَّــت شـمــال وأفـتــرك قـلــبــي ب(أووف) يـشــبْ وتــذووب الـمــواجــع وتـطـفــيــه يـاقـارس الـشـمـلا (دويـبـك) عـلــى الـصــوف الـصــوف مـايـحـمــل/وش الـلــي يـدفِّـيــه؟ / / قـم يـاهـجـوســي واوقــد الـنــار بـالـجــوف واصـلـى الـقـلـم حـتـى يـسـيـل الـحـبـر فـيـه واجـمـع لاهـل هــذا الـبـلــد أجـمــل حــروف وانـقـى لـهـم مـن حـاضـر الـفـكـر صـافـيــه واكـتـب قـصـيــدي وارسـلــه /دون مـظــروف مـقـابـلـه/مــن خــوف تــبــرد قـوافــيــه الـجـود يــا اهــل الـجــود بـيِّــن ومـعــروف مـايـنـعـمـي دونـه ســوا الـلــي مـجـافـيــه مــاودِّي امــدح دون مــا اعـــرف ولا اشـــوف ومــاودِّي انـشــد عــن ذمـيــم وخـوافــيــه شـعـري يـكـفِّـيـنـي عــن ايـمــان وحـلــوف ولـيــا هـفــا قـافــي/ أبـرهــن هـوافــيــه ومـاودِّي اكـتــب فـالـوطــن شـعــر مـايــوفِ الـشـعــر فــي حــب الـوطــن مـايـوفِّــيــه والـحـمـد لـلــه نـامــن الـجــوع والـخــوف الله يـثـبّــتــنــا إلـــــى مــانــوافــيــه الشاعر / فيصل حمد البـــــــــــــــــــــركي |
شاعرنا فيصل
كم انت مميز و صاحب ذوووق رفيع يعطيك العافيه على طرحك الراقي وبوحك الخافي تقبل تحياتي مع اعجابي كلامك درر فالله درك |
ميِّت غرامَك واسمع القـرع دايـش
ياضيق لَحدك والظلـوع (إ)تْشبَّـك ليتك ورى دفنَك جَعَلـت الدرايـش حتى نشوف اللي علينـا (ا)يْتدَبَّـك ما أذَّن المغرب على جِـن شايـش والشمس ماغابت علـى مستخبَّـك أشوف في عينك زفيف الرشايـش على مماتـي واوَّل العشـق اسبَّـك حسبي عليك الشوف غاشي غبايش حسبي عليك اسمع ولا اسمع بدبَّـك وش قالت عيونك ثـلاث الرمايـش عقْب الثـلاث الليـل ياليـل أبَّـك ماني خصيم وراكب الشـر غايـش ماني خصيم اللي يصـون ويربَّـك طالبك _ لا اقفيت وعروقي نبايـش والصدر تصفر بـه رياحيـن هبَّـك _ إفتح عن انفاسٍ بها الصدر جايش لاينفجـر عرقـي بربِّـي وربَّــك ولاَّ علـى إبـرة وبـارود نايـش وارتاح من روحـي واروِّح واكبَّـك وابشّـرك ميِّـت ولازلـت عايـش والقلب ينبـض لـك أحبَّـك أحبَّـك الشاعر فيصل حمد البركـــــــــــــــــــــــــي |
ابيات يتيمـــــــــــ 2ــــــــــــــــــــــــــــــــه 2ٍٍ
ميِّت غرامَك واسمع القـرع دايـش ياضيق لَحدك والظلـوع (إ)تْشبَّـك ليتك ورى دفنَك جَعَلـت الدرايـش حتى نشوف اللي علينـا (ا)يْتدَبَّـك ما أذَّن المغرب على جِـن شايـش والشمس ماغابت علـى مستخبَّـك أشوف في عينك زفيف الرشايـش على مماتـي واوَّل العشـق اسبَّـك حسبي عليك الشوف غاشي غبايش حسبي عليك اسمع ولا اسمع بدبَّـك وش قالت عيونك ثـلاث الرمايـش عقْب الثـلاث الليـل ياليـل أبَّـك ماني خصيم وراكب الشـر غايـش ماني خصيم اللي يصـون ويربَّـك طالبك _ لا اقفيت وعروقي نبايـش والصدر تصفر بـه رياحيـن هبَّـك _ إفتح عن انفاسٍ بها الصدر جايش لاينفجـر عرقـي بربِّـي وربَّــك ولاَّ علـى إبـرة وبـارود نايـش وارتاح من روحـي واروِّح واكبَّـك وابشّـرك ميِّـت ولازلـت عايـش والقلب ينبـض لـك أحبَّـك أحبَّـك الشاعر فيصل حمد البركي |
دُما جميلة ودُما قبيحة ومسرح وخيوط المشاهد معلَّقه بأناملي تمادا الظل فـي طولـه وشلـت الخيـش أجـوع للقمتـي واعـرَق لهـا طـوَّاف . . أعزَّ النفـس واستـرزق زهيـد العيـش واحدِّب ظهـري لحمـل الثقـال خفـاف . . أعطِّش قلبي الظـاري علـى التعطيـش على العِد الهماج.. ولا اغتـرف مغـراف . . أشيل الخيش واحطِّـه واخَطْـف قريـش وارصِّـه واحسبـه فـي خـانـة الآلاف . . واقيس الظل واحْسِـب ساعـةَ التغبيـش واخفَّ الخطوة وأرقـى علـى المشـراف . . أنادي والصدى يجاب نـداي ب( أيـش) أرد (اهواااااااا )وابحَّ الصوت قبل (الكاف) . . قهرنـي كافـي العشِّـيـق بالتهمـيـش وثرت استشعر غيـاب النهـار الجـاف . . أبا افتل من شعاع الشمس سلـك وفيـش واولِّف له ورى البؤبـؤ عصـا ولفَّـاف . . واشكِّـه فـي مخيخـي كهربـة تنعيـش واجـزِّع هاجسـي واطمِّـنـه بالـقـاف . . واهمهم بيـن صمتـي والكـلام الليـش واعيـد حكايتـي مـن بـادي الأسـلاف . . بديت .. وعدَّوا الأطفال ((واحد طيـش)) ولكن !! مالقيت عـن العتـب محـراف . . لقوني دون مـا اتخبَّـى عـن التفتيـش أنا ادوِّر علـى نفسـي عشـان انشـاف . . كبير اكبـر مـن الاخيـاش والتخييـش وليه انخش والدعـوى علينـا اجحـاف . . وفجأة فـي زحـام الهـرج والتطفيـش بكـت طفلـة وصكَّـت فمِّـي الهـتَّـاف . . ضَحَكْت العِّـب الطفلـة علـى الدنديـش أسكِّتهـا واجفـف محـجـر الـمـذراف , ندمت , ندمت , ندمـت اراعـي الصبيـان والدرويـش ندمـت اجـاري التخريـف والخـرَّاف . . ندمت ارقِّـص الغنجـا علـى القرقيـش واقيـس مخلْخـل الخِلـخَـال والأرداف . . ندمـت اجامـل وأتجاهـل التحـريـش واصمم مسمعي واقفـي عـن الخـوَّاف . . وكنت اكبـر مـن التدقيـق والتنبيـش عن قبـور الغثـا ومخالـف الأعـراف . . حصان اكديش طابت له فـرس إكديـش هَمَل تسـرح بـلا سايـس ولاعسّـاف . . واذا كانـت فنـون اللعـب بالتغشيـش انا المهزوم واتشرف ,, وماش خلاف>> . . قُفَلْت اللعبة وقامت بكـرت ((الشيـش)) ومات ((اليَكْ)) في يـد الغشيـم وطـاف . . مشيت .. وحيلـة المهـزوم بالتكويـش وقمـت انـزه كريـم وأكبـر, وأعـاف . . نِسَفتَ الغترة وأعمـت عيـون الديـش وظَبْطّت نسفة الغتـرة علـى الأكتـاف . . تذووووب الشمس في فمَّ الأفق بشويـش وتفصخ من ورى الغيمة شفـق شفَّـاف . . .أطرِّف مغزل جفوني واعـضّ رميـش أدوّر للبصيـص المنكـمـش أطــراف . . واقضّ من الشفق وانتف سحابه ريـش واحيـكـه للشمالـيـه ذرى ولـحـاف . . وافـرّ ابهامـي الـقـدّاح للتشـويـش واقدِّح برق ..أزهم رعْد .. أهبّ افَّـاف . . واغيم همّ وازفر خيـل واجمـع جيـش واغير بسيل ظالـم واكسـر المجـداف . . واجور بطيشي الارمـل وايتِّـم طيـش واخلِّي عهدها الباقـي سنيـن عجـاف ــــــــــــــــــــــــــــــــــــــــــــــــــ * الشيش واليَك/ كروت في لعبة الضومنه الشاعر // فبصل حمد البركي |
موضوع قيم ويستق المتابعة
كل الشكر والتقدير |
ادري طيبتي غلـــــــــــــــــــطة
تتميزين دائمـــــــــــــــــــــا بطرح كل ماهو ممتع وجميل ودمتي عنوان التميز والابداع تقبلي مروري وتحياتي |
إقتباس:
هلابك اخوووي ممدوووح وتميزي امتداد لتميزكم واسعدني مروووورك |
|
السلام عليكم ورحمة الله وبركاته
بسم الله الرحمن الرحيم كيفكم ان شاء الله بخير كنا مع شاااعر مبدع اتحفنا بقصائدة لمدة اسبوووع تذوقنا فيه اروووع الاشعار وتجملت صفحاتنا باجمل التحف الشعريه فشكراً لكـــ شاعرنا فيصل حمد العويمري واليـــــــــــــوووم موعدنا مع الابداااع وموعدنا مع شاعرنا الجميل شـــــــــــــــاعر العرب شاعر رفع رأس قبيلة ومثلها وحمل اسمها في محفل كبير وحدث شعري مثلنا فيه خير التمثيل مثل وطنه ثم قبيلته وشرفنا في اجمل الصور شاااعرنا هو الشاااعر المبدع عبدالعزيز علي الرشيدي فاهلا بك شاااعرنا وننتظر ابداعك واجمل كلماتك واشعارك على صفحات منتدانا |
السلام عليكم ورحمة الله وبركاته
بسم الله الرحمن الرحيم كيفكم ان شاء الله بخير كنا مع شاااعر مبدع اتحفنا بقصائدة لمدة اسبوووع تذوقنا فيه اروووع الاشعار وتجملت صفحاتنا باجمل التحف الشعريه فشكراً لكـــ شاعرنا فيصل حمد العويمري واليـــــــــــــوووم موعدنا مع الابداااع وموعدنا مع شاعرنا الجميل شـــــــــــــــاعر العرب شاعر رفع رأس قبيلة ومثلها وحمل اسمها في محفل كبير وحدث شعري مثلنا فيه خير التمثيل مثل وطنه ثم قبيلته وشرفنا في اجمل الصور شاااعرنا هو الشاااعر المبدع عبدالعزيز علي الرشيدي فاهلا بك شاااعرنا وننتظر ابداعك واجمل كلماتك واشعارك على صفحات منتدانا |
مساءكم ورد
وعليكم السلام ورحمة الله وبركاته.وبعد أخواني وأخواتي اسعدالله مساءكم/صباحكم يسعدني أن أكون ضيفكم هذا الأسبوع في (شاعر الأسبوووع.انت والحدث )هذا الموضوع الذي تشكرعليه صاحبة الفكره الرائعه/أختنا أدري طيبتي غلطه كما اشكرها على دعوتها لي لإأكون ضيفها هذا الاسبوع واتنمنى لها ولكل شاعر استجاب لدعوتها كل التوفيق فالبدايه أحب أن أقدم لكم جميعاً قبل الشعر هذه الباقه http://www.cicek.com/urun/0L7W9G0I.jpg لن أطيل عليكم أعزائي أنتظروني |
في إنتظار شاعرنا الرائع عبدالعزيز الرشيدي
الذي لطالما أتحفنا بقصائده التي تجبرنا على الإستماع وإمعان النظر كثيراً بمعانيها. والشكر موصول لصاحبة الموضوع. |
مقدمة مشاركتي بمسابقة شاعرالعرب بسمالله ابدا قبل ماأبداأبياتي=هوخيرمبدا منزل الآياتي ماخاب من يبدا بذكرالمولى=واللي كتبلي في زماني ياتي واليوم فيه اخبارعندالبادي=وتفصيلهاللمستمع كألاتي اول خبرماجيت غيرأنافس=ولاروح لين آضع هنابصماتي يومن كلاًوصل وادلى دلوه=أدليت دلوي وأحديت أحداتي ولامن كلاًشرب منها وصدر=انا على مارودهم ماباتي اسوقهاسوق الجمال إن سيقت=واسري ولا أخيب بي الهقواتي الحرلازم يرجع ال ميكاره=مهماشلع ولاأبعدالحوماتي والشعرلامن صار جزل ووافي=تموت شعاره وهوماماتي |
مرحبا بتواجدك العطر
احييك اخي عبدالعزيز على حضوررك الرائع وننتظر ابداااعك لنتذوووق اشعارك ونبحر في مركب ابداااع الكلمات حتى نصل الى مرسى رضى ذائقتنا الشعريه فاهلا بك شااااعرنا المتميز والعفووو اخووي بندر ومشكوور على تواجدك |
اول خبرماجيـت غيرأنافـس ولاروح لين آضع هنابصماتي يومن كلاًوصل وادلـى دلـوه أدليت دلوي وأحديت أحداتـي ولامن كلاًشرب منها وصـدر انا علـى مارودهـم ماباتـي اسوقهاسوق الجمال إن سيقت واسري ولا أخيب بي الهقواتي الحـرلازم يرجـع ال ميكـاره مهماشلـع ولاأبعدالحومـاتـي والشعرلامن صار جزل ووافي تمـوت شعـاره وهوماماتـي كفووو وانت قدها الله الله كريم يا مطر شعر رااااااااااقي وجميل يعطيك العافيه |
إقتباس:
على سرعة الرد سيدي لشعر طعمه الخاص ساعة حضورك |
يسعد صباحك أبو جلوي ويسعد صباح المتواجدين جميعاً
إن شاء الله إبداع دائم وعطاء مستمر يأبو جلوي تحياتيً لك ولصاحبة الموضوع |
| الساعة الآن +4: 05:30 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
