|
السلام عليكم ورحمه الله وبركاته
اولا كل الشكر للاخ محمد الراشد اللى نقل لنا رابط اللقاء لاخونا محمد الرشيدي ثانيا على ابناء القبيله يتحدون ويحاسبون منظمه عبس على التبرعات اللى ياخذونها من القبيله شنو فايده المنظمه اذا ماتساعد المحتاجين من ابناء القبيله من تاسست المنظمه صارلها كم سنه ماشفنا منها مهرجان زواج جماعي لابناء القبيله ولاشفنا منها ابتعاث طلبه لاكمال دراستهم من ابناء القبيله ولاشفنا منهم مشاريع لتوظيف ابناء القبيله كل اللى شفناه منها التمجيد لاعضائها والمهايط الزايد اللى مامنه فايده واخرتها سحب علينا السيفون فايز البغيلي وقال انا مورشيدي انا من الاشراف وراح مبارك الدويله بتاسيس منظمه ثانيه باسم ثانيه للقبيله صار عندنا منظمه عبس ورابطه عبس كلها ضحك على الذقون مافادوا اى شخص من القبيله بل هم اللى استفادوا من القبيله مبارك الدويله وسعد العويمري وفايز البغيلي والوزير مبروك استفادوا بالسفر للدول اللى فيها رشايده وتم استقبالهم من كبار شخصيات هذي الدول ورؤساء هذي الدول لانهم يتكلمون باسم القبيله ثالثا احسنوا الظن بالناس منتظرين يالراشد تعطينا اخبار محمد الرشيدي والاقربون اولي بالمعروف ؟ |
عزي لمن دنياه تحده على الناس
وعزي لمن يرجي ورى الناس حاجه الله يرزقه والله يوفقه |
اعــتقد أنـه هنــا يكــمن دور مــبرة الرشــايده جــزاهم لله خــير ..في مســاعدة كــل
محــتاج مــن أبنــاء القبــيله مــن ناحــية الــدعم الــمادي وأيــضاً الــدعم المعــنوي مــثل الحــث على مواصــلة التعــليم الجــامعي ودعــم كــل شــاب لـديه الـرغـبه الصـادقـه . أمــا بخــصوص هــذا الــرجل نحــن مــعه ..نحــن ..مــعه ...واقـــفين و قـــفت رجــل واحـــد ..حــتى لــو نتــسلف و نــفــزعله أهـــم شــي أن الـرشــيدي مــا يحــس بالــضـيم والقــهر ..وروســـنا تشـــم الهــــوا ( وأي خـــطوة تتخــذونها ..تــصب في صالح هــذا الأنـــسان أنا معــكم أعــين وأعـــاون ...) . |
والله يقطع القلب تكفوووووووووووون اذا لقيتو شي عنه افادتنا وتنزيل رقم الحساب هنا حتي نقوم بمساعدته
ومشكور اخوي محمد الراشد وتكفي اذا حصلت معلومه عنه افادتنا وترك رقم الحساب حتي نقدر نساعده تكفون هذا رشيدي وانتم اهل الفزعه والحميى |
الله يـــــــــرزقه من حيث لايحتسب <<هــذا الي اقدر اقوله ..
*والشيء الثــآني وييييين وطنه عنه !.. ليش مايراعون شعبهم ويحلون مشـآكلهم ويـآخذون ارأهم .. ويشوفون وش نـآقصهم وماذا يريدووون ؟.. هذا هم حلوا مشـآكل الشعوب الاخرى !بـإمكانهم يحلون مشاكل شعبهم! بدلـاً من ان يطلعونهم ..ويلا ياناس ..تعالوا سـآعدوهم !.. وصورهم بالt.vوبالجرايد يفضحونهم !.. اسمحولي إذا كان كــلامي جااف .. بسس ..هذه الحقيقه وهذا الي نشوفه والحق ..ينقال.. لكن للـأسف !...مع احترامي الشديد !.. |
بيض الله وجيهكم جميعاًَ وكل الشكر للأخ / محمد الراشد على ماقام بـه .
وأن شاءالله يداًَبيد مـع أبن العم يبشر بكل خير . |
الفزعه الفزعه ادموع الرجال غاليه يااخوان
الاخوه في المدينه المنوره وضواحيها الرجاء التدقيق في ملامحه فقد يكون من هناك بحكم قرب جده من المدينه ونرجوا وضع رقم حسابه مباشرة بعد الحصول عليه وكما أنبه واكرر أنه يجب وجوبا التأكد من أنه من جماعتنا وهذا من الضروري فقد يكون هناك تشابه أسماء فقط مع ملاحظة ان اللهجه قريبه الى حد ما |
السلام عليكم ورحمه الله وبركاته
اسعد الله صباحكم كنت طوال الايام الماضيه متواصل مع قناة روتانا خليجيه هاتفيا" ووعدوني بالاتصال لاحقا" وانتظرت ولكن بدون فائده امس ذهبت للقناة ببرج المملكه والتقيت احد المسؤلات وشرحت لها القصه.. وكان معي احد الاصدقاء وقال انه قريب له ويبحث عنه منذ فتره لعل وعسى ان يهتموا بالموضوع وكالعاده اخذوا الجوال ووعدت بالاتصال قريبا" علما" بأنه تم ارسال لهم عدة رسأئل في الفيس بوك وتويتر وللاسف لم يكن هناك تجاوب وتحياتي لكم وااشكركم على التفاعل والفزعه |
محمد انا ودي اروح لهالمسؤله اللي قابلت يمكن اخذ معلومات اكثرهههههههههههههههه
جزاك الله خير على ماتقوم به وياليت احد يهتم بالموضوع ويقدر يفيدنا يمكن فيه احد يعرفه شي والله يرزقه ويوفقه |
الله يقوم بعونه والف شكر لك محمد الراشد
|
الله يــجــزى مــن سـعـى فـي الـمـوضـوع كــل خــييـر ..
والله يــرزق اخــونــا مــن حــيـث لايـحـتـسـب .. |
ياخووان انتم الى الحين ماطلعتم بنتيجة
انا جديد بالمنتدى لكن ماشووف الي يتحرك الا محمد الراااشد يامحمد انت توجهكـ للقناة طيب قــابل المذيــــع اطلبه شخصيا انا انتظركـ واذا ماطلعت بنتيجة عطني الاوووكيه وانا رااح ارووح للقناة هذه الايــام متواجــد بالرياض بحكم شغلي هنــا انتظرررررررررررركم وتفااعلكم المووضووع لا يموووووووووووت تحياتي |
كفوووووووووو ,,, كلكم ,,
ولصاحب المشاركه 61 ,,, المسلموون أخوه ,, يعني مو بس عشانو رشيدي زي ماقلت انتا ,, جددو النيه يا اخوان وانوو انكم تسوو هالشي لأنو مسلم ولوجه الله ,, بارك الله فيكم ,, واسأل الله الكريم ان يرزقه من حيث لا يحتسب ,, وكلن مقسوم له رزقه ,, |
إقتباس:
المسأله مو سهله مثل مما تتوقع لان المسؤل يجيك في مكان معين وانا داخل مجمع قنوات وحراسات ...الخ والله يقويك مكانهم الدور 52 تقريبا" في برج المملكه واطلب تركي الشيباني او اي احد مسوؤل اخر وعطني خبر وش يصير معك |
رااااااااااااااااااح اشوووفة خلال هذه اليووووووووومين
بس عطني المعلومات دووامهم من متى الى متى ؟؟؟ منهو المذيع ؟؟؟ والقناة هي روتانا الخليجية ؟؟؟ عمووما انا اسكــن سته اشهــر كل سنة بجـدة بحكم شغــلي واسمع انه فيه حــارة اسمه بريمــان سكانها رشــايدة وهذه اتوقع انها بريمان القديمة وسكــانهم اغلبيتهم قلادانــ .... |
القناه روتانا خليجيه
اسم البرنامج ياهلا مقدمه غير معروف باليوتيب شف اسمه المراسل الي بالمقطع خالد الفرحان دوامهم من 12 ظهرا" حتى ال6 مساء |
|
بسم الله الرحمن الرحيم
صباحكم ورد ابشركم حصلت على جوال محمد الرشيدي صاحب المقطع والشكر لله ثم للاعلامي المتميز طراد الاسمري والله يجزاه خير اتصلت بمحمد قبل قليل ولازال محمد هو محمد لازال نبره العوز والفقر واضحه في كلماته اتصال مبدئي قال عمري 45 ولم اتزوج ووعدته خيراً لان اثق في. قبيلتي بالسعوديه والكويت والسودان وغيرها من الدول واكرر مره ثقتي بالله ثم فيكم كبيره بأن يتم على يدكم زواج محمد وحصوله على بيت ووظيفه افضل من وظيفته الحاليه الخطوه الاولى اريد اثنبن من اهل جده ان يتواصلون معي بالخاص لكي يقفوا على محمد بالصور خلال 48 ساعه وبعدها لكل حادث حديث وامرنا شورى بيننا واتمنى عدم الاتكاليه على بعض من ناحيه التبرعات وقد سبق ان قال احد الاخوه انه غير رشيدي او شي من هذا القبيل سألته وقال رشيدي وبس وعندما اصريت على معرفه انتمائه لاي فخذ جاوبني وهو من روس عبس وديره ربعه حول مدينه الحايط ومنع للاحراج لان اذكرها الا عند الضروره ان وجدت دعواتكم لي بالتوفيق وانتظركم يااهل جده بالرسايل الخاصه ضع علامه صح في المربع المخصص تحت الرساله لكي لايظهر لك انني ملغي خاصيه الرسايل الخاصه* |
محمد الراشد جزاك الله خير وجعله في ميزان حسناتك
وإن شالله بتفرج قال تعالى ( وبشر الصابرين ) ومافيه شك ان القبيله بتفزع معه لأنها موغريبه علينا |
،
ماشاء الله عليك يّ محمد قول و فعل ، بارك الله فيك ، بإذن الله ربي يسهل عليك فعل الخير يّ وجه الخير |
جزاك الله خير يامحمد
واسأل الله أن يكتب لك الأجر أنت وأهل الخير امثالك |
الله يكون بعونه وعون جميع الشباب ..
والله حالته تكسر الخاطر .. |
بيض الله وجهك يامحمـد الراشد انا اشهدنك رجال وكفوووووو
|
شكرا لكم جميعاً
ولا استغرب تفاعلكم الانساني مع ابن عمكم ولا اريد شكر بل دعائكم لي بالتوفيق اولاً وانتظر تبرعكم لولدكم وسوف تكون هناك تفاصيل اكثر خلال هاليومين دمتم بخير |
اخوي محمد اذا الوظيفه عقدتها الشهاده قوله يجي يكمل عندنا انتساب وياخذ شهاده ويتوظف ويقدم عندنا بالاسكان وان شاء الله يقبلونه ويعطونه بيت بس مشكلته مو من ديرتنا ومن حالته مبيين ان اهل الحايط كلن مندس ورى جدر ولايدري عن غيره وبعدين الاخوان الي مسوين زحمه منظمه وخرابيط ههههههإهإ محمد الراشد ببداية الموضوع سال عنه لنفسه هو يبغى يتواصل معه ماطلب زحمه حروف وخبال الله يرزقه من حيث لايحتسب ويجزاك الجنه محمد |
الله يكون بعونه
ونتمنى له التوفيق أخي محمد الراشد الف شكر على حرصك النبيل وأنا معكم بكل ماترونه مناسب لـ أخونا محمد الرشيدي ! |
على راسي كل رشيدي
قبل فتره واحد اتحفظ عن اسمه بنفس القناه والبرنامج سوا مناحه وبكى وبكانا معاه اقسم بالله العلي العظيم طلع مابه من الحاجه شي مبزوط حده انا ماتهم الرشيدي ويارب حاله افضل ويتحل باقرب فرصه بس الى حد ما فقدت الثقه بالرجال<<<<< وانا معكم بالي تشورونه |
شكرا لتفاعلكم
ومحمد وضعنا رقم حسابه بموضوع مستقل وموجود له بنر بموضوع الاخ عويض بن شامان والي اشوفه تبرعوا له ورقم جواله موجود عندي الي يبيه يراسلني بالخاص وجاري البحث عن وظيفه مناسبه لحد الان والله يكتب الي فيه خيره تحياتي |
| الساعة الآن +4: 08:49 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
