انا برحل وبترك لك خفوقي يالغلا بيديك=وابي تذكر تفاصيل الغرام وتحفظ غيابي
لو اني ببتعد عن ناظرك وافقد ضيا عينيك=ولكنك تبا تبقى لي اقرب لي من ثيابي
حبيبي كل ذكرا بيننا في غيبتي ترجيك=تبي قلبك يراعيها بعد ما طارت اسرابي
تذكر وقتنا كله وانا اردد معاك ( ابيك )=وتكسر رغبتي فيني واجيك اسابق عتابي
تذكّر ليلنا وشلون يمضي والغلا حاديك=تجيني تقطف ورود الغلا وتذوق عنابي
تفاصيل الغرام اللي جمعنا واجتمع بي فيك=يصبّرنا على جور البعاد وطاري غيابي

خافقي ماغيرك مراده وشفّه=منّك جروحي ولا غيرك طبيبي
والله ان الكون حطيته بكفّه=وانت في كفّه لحالك ياحبيبي
ما جمعنا غير طهر وغير عفّه=وما ابتعدنا غير فالظرف العصيبي
عشقنا لقفيت ناداني بصفّه=ما قويت ارحل ولو جاني نصيبي ..!
عهد مني والعهد منك ووفّه=مانتفارق لو لمواصل صعيبي
والله انك منية الخافق وشفّه=ماحدن غيرك بهالدنيا حبيبي