قبيلة بني رشيد - إهداء : للمقيمين على قارعة سفر !!

قبيلة بني رشيد (http://ban3abs.com/aa/index.php)

- المنتدى الأدبــــــــــــي (http://ban3abs.com/aa/forumdisplay.php?f=27)

- - إهداء : للمقيمين على قارعة سفر !! (http://ban3abs.com/aa/showthread.php?t=83620)

الذيب لامنّه عوى يسكت الذيخ
اترك حديث البلبله والدوادي
لاصار مالك مع هل المجد تاريخ
وتعذرب اهل الطيب واهل المبادي
حتيش لو أنك مخوّي على شيخ
لاصرت في وادي وشعرك بوادي
مايلغي أمجاد الرجال المطانيخ
ألا الذي عن تبعة الحق غادي

أثر فيه ناس يعشقون الرخامه عشق
مثل عشق عطران الشوارب مراجلها

تبغى الصراحه ! زين واسلوب واخلاق
ويحق لك لو عشت في بـرج عاجـي
مافيك قاصر ,, مرضيـآ كـل الاذواق
المشكله .. عاشقك ! عاشق مزاجـي

الشّعر .. شعاّره أكثر من جماهيره
تشقلب الحال .. لين أنقلبت الآيه

مجال مفتوح لكن يـا الله الخيـره
أصبح هوايه لمن لا عنده هوايـه

نزل لسوق المصالح وأندهن سيره
مجلوب ما بين بيّاعـه وشرّايـه

كل ٍ يروده بعد كثـروا مشاهيـره
وسيلة ٍ من كشفها يعرف الغايـه

قام يتلاشى حـلاه وقـلّ تقديـره
من يوم شفت الدليله يتبع التايـه

لقيت مليون شاعر من هل الديـره
تدبي على جرّته مع كـلّ دبّايـه

خلوّه دوّيرة ٍ مـن فـوق دوّيـره
متى يهب الهوى وترفرف الرايـه

التزام الصمت .. في بعض الظروف
يغني الرجّـال .. ويجمّـل فمـه !

اقول: ( يارب عطهـا قـدّ نيّتهـا )
اللي بصادق شعور الحب تغمرنـي
وتوّرطت واطلعت ..علـى حقيقتهـا
تقول لي : ليه اجل ناوي تدهورني؟؟
غرّتني هروجها العذبه.. وضحكتها
دايم حسن هقوتي بالناس دامرنـي

التشائم في بعض الاحيان .. شيٍ مؤسف
يضعف الهمّه .. ويغري العالم الشماته!
القمر وهو القمر .. يجيه يوم .. ويخسف
والله اللي يجمع شتاته .. وشـيٍ فاتـه

اسمعوني قبل اعلمكم عـن اللـي خافـي
اخر القصه تـرى ماهـوب مثـل اولهـا
كل ما جيت اكشف الموضوع واكتب قافي
تصعب الدعوى ولا ادري كيف باوصلها ؟؟
المهم اني ما زلت ابدي علـى مشرافـي
واكتب الابيات في الشاشه لكم وارسلهـا
تكثر اخطائـي وامررهـا مـع محرافـي
دون معنى والعـرب مـن حبهـا يقبلهـا
ومن يسجلها رصيد اسمي ورسمي كافـي
قد نظمت من العقود احلا الدرر واجملهـا
مزحة الطيّب يبش بهـا الكريـم الوافـي
وبيّص الله وجه من يضحك ولو جاملهـا
لا تعاتبني يا وجه الخيـر ليـن استافـي
وكان في خاطرك كلمه بعد هذي ,, قلهـا
ادري اني واعرف انك واخذ شي اضافـي
ما نجـادل عالـم ٍ مـا ينفـع مجادلهـا
القناعه كنز والرحمـان ستـره ضافـي
وبعض الاشيا عاض عن مظهارها مدخلها
لا بدا اللازم بديت وخـذت حقـي وافـي
غصب ,, والا البلبله بتحصل مبلبلهـا !!