يموت الشوق بضلوعي و أنا أرجع من وفا و أحييه=و أعدّ بكل تنهيدة . . " يجي بكره " " يجي بكره " !
أمانة قبل لا ترحل " تفضّل خافقي " . . . ما أبيه !!=و إذا إنّك ما تبي تعشق . . دخيل الله . . لا تكره ! !

ماهو غــــــريب عليك ولا علي ودك=كثـــــرت في الطعون ورحت متعافي


تاخذك الايام وتـــوديك وتــــردك=يخونك الوقت وتعـــود علي الوافي
تاكــــد ان المشاعر ما تقف ضـدك=لا خانها البرد ترجي صوتك الـدافي


لو راح بي جــزر (غيرك) جـابني (مدك)=لا هــــب طاريك بشراعي ومجــدافي

(صدمه) و(عدت) ولا هي منقصه قدري=متعود آشيل كثر الحمل بمتوني
الحين ماعاد ينفع رمشك الخدري=صوتك وصورتك (ماعادوا) يهموني
الكون كله تزلل فوقي وحدري=لا تسأليني عقب ماصار وش لوني
روحي وخلي حياتي ،، حزني ،، وكدري=عيشي حياتك وباق العمر من دوني
خيره وجتني وصار فراقنا بدري=لو أنها خيبت قدامي ظنوني
(أنتي) و (رفيقي) تخونوني و (أنا) مدري=ماكنت أفكر ولو لحظه (تخونوني)
(كان) بعيوني و (كنتي) ساكنه صدري=والحين (أنا) أبكي على صدري من عيوني
مافيكم اللي عرف من طيبتي غدري=ليه (أنتي) و (يآآآآه) فغيابي غدرتوني
يآآآليت رحتي (معه) في (صمت) ماأدري=فرقاك أحسن من اللي شفت بعيوني

يآ قلب لوٍ إنك وفيت وتعلقت=طبع البنيه لا تولعت ... راحت ..!

إليا سالوني قلت : (محبوبة) الوقت=كانت كبيره في عيوني وطاحت

اقول ياقلب المعاليق صدقت=شف يومها طال الغياب أستراحت

عزاه .. ما كنك عليها تشوقت=وماكن دمعتها من العين ساحت

هي غربت وانا من البعد شرقت=وفيت وهي اللي غدرت وأستباحت

من عقب (خمس) شهور هالحين صدقت=بأن (البنيه) لا تولعت (راحت)

(اببعد) والطريق اللي يـودي ياعسـاه يجيـب=(بدالـي) واحـد(ن) تلقـا معـاه اللـي تمنيتـه
(مدامك شايف الفرقا) امل خيره وراي مصيب=(انا) حاضر علـى (امـرك) وامـرك ماتعديتـه
(انا الغلطان) واستاهل جفاك ومنـك التجنيـب=(على فكره) تـرى (ماهمنـي بعـدك وتشتيتـه)
(كثر ماهمني) شخص(ن) بدايـة بعـده التعذيـب=(قسـم بالله) مامثلـه مـن الاجـواد خاويتـه
(حسافه يالحبيب) اللي من يديني (زمان قريـب)=(ترك دنياه من شاني) ولجـل (دنيـاك صديتـه)
(هذاك) اللي خلق ربي حياته كلها مـن طيـب=تضيق بعيني الدنيا و(اشـوف الخيـر) لاجيتـه
(تخيّل) مـن تعرفنـا ولامـره لحقتـه عيـب=ذكرني والمصيبه : (ياكثـر مـا انـا تناسيتـه)
كبير الفرق (مابينك وبينـه) وللسـؤال مجيـب=اذا ردت على (فعلك وصيته وفعلـه وصيتـه)
كلامه .. فلة حجاجه .. سلامه لابدا الترحيب=كبير بكل حالاته .. (انا وشلـوووون خليتـه) !!!
(عطاني كل ما اطلب) بلا منـه بـلا ترتيـب=(على اقصاه) يمكن الـف مـره بـس حديتـه
تركته (ايه) ما انكر وعـذري دايـم التجريـب=غريبه قصتي وياه و(الاغرب كيف جافيتـه) !!
(انا متأكد) ان جيته ودمعـي سايلـن للجيـب=بتصغر كل هالدنيا مثـل ماضقـت وابكيتـه
كبير (بقلبه ،، بحبـه) كبيـر ولا مـلاه الشيـب =قـرب كفـه الطاهـر لكفـي كـان مديتـه
اذا الله قدر (ورده مثـل اول) وصـار قريـب=عسى ربي يخليني شتات ان كان خليته !!!!!

لا.. مايتغيـّـر خآطري .. ع المخاليق ..!=... لو .. (آلحزن) .. يمطر .. و .. الأشوآك حدره

تضيق .. ثم تفرج على البآل .. و تضيق=... وأشوف أنا .. لـ ( أصحآب الإحسآس) .. ندره
ما .. أذكر / إني عشت لـ الناس .. تفريق=... كم وآحد (ن) .. شلته .. ليــآ / ضآق .. صدره

يا أغلى المراقيب أنا رحّال ومفارق=والكلمه اللي تزيد الهم أبنطقها
طارق وروّح تصبّر ياجبل طارق=لو رزّت القوم في راسك بيارقها