ياجرحي استأذنك بنام لي ساعـه =وارجوك دخيل الله لاتصحّيني
لي خمسـه ايام اعيش السّمع والطّاعـه=ولك خمسـه ايام تامرني وتنهيني
والمشكلـه جت عروق القلب فزّاعّـه =مايكفي انك سرقت النوم من عيني
اصبحت انا القاز وانت امسيت ولاّعـه= شبيتني يلـ... اهلك وش يطفّيني
دكتور وممرضـه وابره وسمّاعـه =في كل ليله ولايدرون وش فيني
ياسيدي الجرح قلبي يشتكي راعـه =لا الذنب ذنبي ولا الموضوع بيديني
حبيت واخلصت واثر الحب فقّاعـه =روّح وباقي يموتني ويحييني
غيري هدر دم عشق وللاسف باعـه= غيري قتل كل حب بحد سكيّني
وانا الي اصبحت للأخطاء شمّاعـه= وادفع ثمن كل غلطه من محبيني
بدايته سلسلـه والنّفس طمّاعـه= اغراني ادري ولا في شي يغريني
واليوم لو قلت يااهل الحب وطباعـه=انتوا على دينكم وانا على ديني
اجبرني الجرح اعيش السّمع والطّاعـه =حتى ولو قلت له ياجرحي اعفيني
من خمسة ايام وانا في رجا ساعـه=وان جيت بنامها جرحي يصحّيني

إن أعطاك من أهتماماته مساحه=علقك بأوهام (وأشغلك) (بقصيده)
يقدر يدخلك كمٌ من وشاحه=وصوته يسيلك وتجري في وريده

اسمع ردها ياكحيلان الان ... يافضي يامعلم الناس السباحه في بحور الطيب يالكفو الوليده صاحبك ماخذ عن الحب استراحه خمسة سنين ودروبه بس سيده لين جاء من طلته تشبه صباحه واحد(ن) يستاهل أشعار(ن) جديده حرك احساسي وكل الهم زاحه لين زاد بداخل افوادي رصيده قلت اببقى معه لو شح بقراحه ماطلبته شئ جعل الله يزيده يافضي والصبر يفردلي جناحه باتصبر لين احقق ما اريده

عز الله انكَ كفوا فـٍ هذا الرد الملكي
يآبو سيف على هذهي المساجله بينك وفضي
ودايماً تكون جمالياتكم أجمل واحلى
أذا اقتربت الذايقات الى بعضها