|
|
تدري .. وش اللي يسمّ الرجل ويغثـه
وتشوف ضيقة .. مداه بوجهه الشاحب لاضاع طيبه .. وصارت هقوته جثـه وجت طعنةٍ ماتوقعها من .. الصاحـب |
سقوى سنين الجهاله قبل سـن الرشـاد
ايام كنّـا نعـد الارض مضمـار خيـل ان طحت قدام عينه قـال كبـوة جـواد وان طاح قدام عيني جيته اصهل صهيل والنفس بستان طيبه والعـواذل جـراد تغانموا كل حاجه غيـر روس النخيـل ان عرضوا لي سموم الهرج سقت البراد وان وجهوا لي سهوم اللوم راسي طويل |
تقول إختلاف الجوّ جاها بنزلـة بـرد
وأخذ من يداها عافيتهـا و صحّتهـا وهي لو مناعتها قويّه طردتّـه طـرد لكنّ الله أقوى من مرضها و كحّتهـا لو علاج صخنتها .. زياره و باقة ورد نقلت الحديقه كلهـا فـي مصحّتهـا! |
حبيبتي جعل البنات فداً لهـا
علاقتي معها على وضح النقا تقول لي لبّا عروقـك كلهـا واقول لبّا مـا تبيّـن واتّقـا |
على هامش حياة المسبحه في ليلة الآهــات
ـــــ نسيت الموعد اللي يجمع السجـّـان والجاني و أنا اللي كنت انا ويـّـا فناجيل الغرام إخوات ـــــ اصب احلى مشاوير العنا وآآقهوي اخوااااااني ولكن ! يا عذابي يا خسارة عمري اللي فااات ـــــ صفقني حظي بـ عجرا غرامك بين حجااااني ورحت اتبع خيالك في دروبك واسكب العبرات ـــــ وفـ آخرها دريت ان الخيال لواحد ٍ ثاانــي ادورني وافتش عن ضميري في دروب الذاات ـــــ واتابع خطوتي في رحلتي وأحـث كـرعااني واذا دورت واصبح حلمي اللي قد حلمت اشتات ـــــ اروح لبيتي اللي في شمال الحب وألقااااااااني اشوفك ناوي ٍ ترحل وتجرح دمعتي بسكااااااات ـــــ على كيفك! توطا دمعتك في حوض وجداني خلاص ابعدخلاص ارحل ترى طير المحبه مات ـــــ نفض ريش المفارق وذبحوه عيال جيراااااني |
لا بغيت البس شماغ وثوب شتوي
دخّنت فالساحل الشرقي رطوبـه! |
لا تبتسم ماهوب جاهز مبسمك للإبتسام لازالت عيونك من البارح تفوح دموعها . أصبر عليها لين تصبح نارها برد وسلام وأعتق محاجرها وطاوعها تسيل بطوعها |
تعال اخذني معك والا .. لاتتركني
الله مخيرك .. في هاذي وفي هاذي |
يافاتنه شتتـي همـي وغربالـي
تقدمي وادفعـي بالحسنـه السيّـه تربعي فالضلوع وطيّبـي فالـي وانسيني ايامي اللي شيّبـت فيـه صبي سوالفك في سمعي وفنجالي وخليني اقدع على ثنتيـن ورديـه تمخطري فالحشى بشويش وإختالي وترفقـي يامعـذبـة الهـواويـه واستفرديبي عن العـذال بلحالـي والغـي جميـع التقاليـد القبيليـه |
لا صارت الارض تحتي لا تشيل الهموم
تدري متى تشـيلها ؟ لا صرت انا تحتها |
الضحيّه شيخ والمدعـوس قوطـي والطريق الساحلـي وقّـف نشاطـه الحقيقـه مـا هضمـت المنفلوطـي والسبب بيـن الصعوبـه والبساطـه الصعوبه حِفْظ مشعابـي وسوطـي والبساطه كلّ بوهـا فـي العباطـه وأن نشدني المنفلوطي عن شروطي قلـت لـه خذهـا كذيّـا عالبلاطـه أوّلتهـا تـدري وسامـي ونوطـي ماتجـي بالمعرفـه والاّ الوساطـه وانتبه مضبـوط لقرايـة خطوطـي وصْلـك التنويـه عنهـا للإحاطـه أنت في الحوطه مع سديري وحوطي دارج ودرّج وخــلّ الإنبـقـاطـه أدري إنك كفو شوطك مثل شوطـي ما تدنفـس فـي دكاكيـن الخياطـه |
ياجعلني ما اذوق حزنك ولا ابكيك
إجازتك .. سولف بها عند غيري لاعاد تطريها .. وانا يامحاكيك ياضيقتي .. مدري ياحوسة مريري |
إذا بغيت تميّز المبدع ..على كل إتجاه
حاول تركز بس في عقلية اللي يمدحه |
يالطيف الرّوح لا تخلـف علـيّ النيّـه ولاتعاتبني على صدّي وطـول غيابـي جيت لك مشتاق و اقبلني على مافيّـه لا تخلّيني كذا يا اغلى واعـزّ احبابـي أنت ما انت ابغالي اغلى من حباب عنيّه والله انّك منّي اقرب مـن زرار اثيابـي |
الله اكبر وش حصل وش صار ياسود الليالي
نتـعـذر بالليـالـي لومامنـهـا خطـيـه يمرض الرجال لاجاه الخطا من صوب غالي ينفعل لاجـل المـوده والصداقـه والحميـه بس اكيد ان الليالي تظهر زحول الرجالـي وتظهر الاصحاب ويعرف الخوي ميزة خويه |
إن جيت أبا آحاول اغمّض عيوني وأنام
عيّا علـيّ المنـام إيداعـب إجفونهـا من سبّة اللّي سوالفها علـيّ الحـرام يضيع حرّيف صفّـاف الحكـي دونهـا بغيتها في كلام و ضـاع كـلّ الكـلام جعله فدى صوتها المبحوح و عيونهـا |
أنا لي ثلاث أيام أهرول على الكورنيـش
بكبـوّس مستـورد وبـدلـه رياضـيّـه لو اني بفضل الله بعيـد ٍ عـن التكريـش ولا بي مـن السمنـه علامـه وماريّـه لاشكّ بدوي مدمن على أكل اللحم والعيش ولبن خاثر .. وحبحب .. وفنجـال بريّـه أحبّ أتمشى لا دخـل خاطـري تشويـش وأهجرس على مبـدا قصيـدة سياسيّـه لكنّ البـلا قـام يتزايـد ولا ادري ليـش في ( خط المشاه ) الوضع حاجه خياليّـه صبايا حياهن في سماهن يهـزّ الريـش على الشورت وانـواع البناطيـل مبليّـه تسوق التفاخر والتباهـي علـى مافيـش في عمـر الزهـور ومفعمـه بالحيويّـه هاذي تعلك العلك .. وهاذي تنفش النفيّش يا طيب السلامـه بيـن هـاذي وهاذيّـه وانا من صغر سنيّ حياوي ما أحب الطيش ( أحب الحيا واهـل القلـوب الحياويّـه ) ماغير أتمثناهن وأسوق القـدم بشويـش ولا أرفع نظر عيني عـن أقـدام رجليّـه |
يا قاضـي الميـزان عـدل وللعدالـة كفتيـن
والوزن با القسطاس بين الناس وانت ادرى بها تقطع يد االمسروق وتصافح يدين السارقيـن! والشرع ما يقبل بهـا والله مـا يرضـى بهـا والفقرة الاولى مـن المـادة ثلاثـه واربعيـن من بند قانون الهـوى قالـت بنـص كتابهـا المتهم يبقـى بـري حتـى يـدان بشاهديـن شرط الشهادة عدل والذمة على مـن جابهـا والبينـة للمدعـي والمتهـم يحلـف يميـن والمحكمة لولا العدالـة كـان صكـت بابهـا وان طاح راس الشك باالحجة تحت سيف اليقين كل الظنون اللـي تلـوى بـه تطيـح رقابهـا |
ياكثر شوقي لك يا مدونتي العزيزه ...!
|
شاعرٍ من واقعه يرسم خياله
ماتت الفرحة بكفّه وانتظرها في سبيل آجابةٍ تقنع سؤالـه كلّ حاجة طيّبة قبلك خسرها حايرٍ بين الرجا والاستحالة ينتظر له نجمةٍ خلّت قمرها لاتزال الأمنيات أغلى حلاله مستحيل إنّ الليالي تختصرها |
الوضع ماهوب يازينه وياطيبه
الله يستر علينا من عواقبها ابليس يرقص ويومي في مشاهيبه وام الكباير تليّم في مزاهبها ومسيلمه قام يفتل روس اشانيبه يهوش وينوش وعيونه يقلبها |
موفقـه خـيـر .. والله لايهـيـن الـغـرام
اللـي جمعنـا عـن عيـون الاودام ســوا صحيح مشتاق لـك .. لكـن علـيّ الحـرام إن وصّلـت عنـد هـذا الحـد / مالـك لـوا قبل أمس مالي على طـاري فراقـك عظـام اطيـح وأقـوم لا حيـلـه ولا لــي قــوا واليوم ابشّرك .. نار البعد ..( برد وسـلام ) لو خاطري مـن ينابيـع الهـوى .. مـاروا تبيـن عـاد الكـلام اللـي عليـه الـكـلام النفس طابـت وشامّـت عـن دروب الهـوا وإن حّن قلبي على الماضي .. عليـه المـلام حتى ايش لو إن بعدك ( داء) .. وقربك ( دوا ) تذكّـري مثـل هـذا اليـوم فـي كـل عـام وتذكرينـي .. وشّبـي لـي شمـوع النـوا ماعـاد لـك عنـدي الا الـود والاحـتـرام والا علـوم المحبـه .. لا .. ولا لـك لــوا |
الموت,, ماهو من الفرقا وطاريهـا الموت,, لاطاحت عيوني من عيوني |
إلى متى يا بعد روحي وعشاقي وأنا أتحمل هموم البعد والفرقا |
هل يعقـل ؟ إنّ الحرام أصبح مباح
وبضاعة الدِين صارت كاسده ؟! مع الأسف يوم قام الحظ طاح من ضعف عزمه وقوّة حاسده ! أمّة محمّد .. زيازيـم الصلاح ثلاث الأرباع منها فاسده !!! سلام ياركني ومتابعينه . |
من جور الأيام جيتك والزمان اغبر انفض غبار الزمن وستلحق اشتاتي أجمع بقايا ... البقايا من قبل لا قبر أو بالاصح أجمع الباقي من أرفاتي |
شاعر و شعري قليل اللي يقولونه مانيب من ربع لا صابه ولا خابه وبـيت الشعر لا كتبته لا تشوفونه أرفع عموده عدل وأمسس أطنابه والشاعر اللي يحبك البيت ويصونه أصير له طـالبٍ من ضمن طلابه |
(طال الطويل وباح صبري وانا اقول عسى الفرج مع شمس بكره يجيني) |
يامعجبه يـأم العلـوم الدقاقـه
انا متذوق شعر مانـي بشاعـر والحب ما ادانيه! .. احب الصداقه اللي بدون احساس حب ومشاعر |
المراجل مثل راس طويق ما يرقاهـا كود من رجله على وطي الوعر عودها دونها شهب الذياب اللي تجر عواهـا والليال السود والاخطـار ومجاهدهـا وفتنة الادنين والاقصيـن لا تنساهـا كل يوم الها ضريبه طارفـه سددهـا |
أن سمح وأن ما سمح .. سمح المحيّا الـــخــــواطــــر بـــــيــــــض والــــنــــيّــــه شــــريــــفــــه صــــاحــــب ٍ مــاجـــابـــه الله فـــــــــي يــــديّـــــا لــــيـــــن ســـيـــرّنـــي عــــلـــــى ذوقـــــــــه وكـــيـــفــــه قـــــــــــــال هــــــيّـــــــا لــــلــــغـــــرام وقــــــلـــــــت هــــــيّـــــــا ودار راس الــــحـــــول والـــحـــالـــه كــســيـــفـــه أتـــــشـــــمّــــــس فــــــــــــــــي عـــــيـــــونــــــه وأتـــــفـــــيّــــــا لــــــو خــطــرهـــا زاد فـــــــي جـــرحــــي نــزيــفـــه فـــجـــرّتــــنــــي مـــــــثـــــــل تـــفـــجــــيــــر الـــمـــحــــيّــــا كـــــــــل نــــظـــــره مــــــــــن لــواحــظـــهـــا قـــذيـــفــــه يــــــــا حــبــيــبــي كــــيــــف مــاعـــنـــدك حــمـــيّـــا مـــــــــا نـــخـــيـــت ألاّ مـــشـــاعـــرك الــرهــيـــفـــه |
يا مرّ طعـم الغيـاب و علقـم الحيـره ..... و الهاجس اللي ضوى و الهاجس السارح الشوق ماهوب تاركنـي علـى سيـره ..... لازال يطـوي معاليقـي مـن الـبـارح مع زود جرح الغلا و الشـك و الغيـره ..... يزود شوق و غلا المجـروح للجـارح! |
الشايب الـي لحيتـه كلهـا شيـب اخطأ علي وقالـو النـاس شايـب ماهوب شرط يكون شيبه على طيب كم شايبٍ فالوقـت خايـب وعايـب وانا ولد من يشبع الطيـر والذيـب ماني زلابـه مـن عيـال الزلايـب مارضى المهونه لو على شقة الجيب ولا انت فيك الظـن يالعـود خايـب وليا بغيت الحق تاجب لـك يهيـب مخطي ولانت بيسود الوجه صايـب |
خذ راحتك فالخفوق الضايق الحالم خلـه يعيـش الآمـان وينتـهـي ذعــره تدري من الشاعر المحظوظ فالعالم اللي قطف من جمالك فاكهة شعـره |
هل تعلم انّك دبلت كبود خلـق الله
بعلومك اللي من البـارح تردّدهـا تاجر و ملياردير و موتـر و فلّـه ثروتك ما يستطيع احـدٍ يعدّدهـا مع اني اعرفك ماعنـدك ولا بلّـه حتى الفواتير مـا تقـدر تسدّدهـا قم قم توكّل على الله و إلحق الشلّه ماودّي اجـدّد جروحـك وابدّدهـا |
لقد تعلمنا في المدرسة ونحن صغار أن السنبلة الفارغة ترفع رأسها في الحقل، وأن الممتلئة بالقمح تخفضه، فلا يتواضع إلا كبير، ولا يتكبر إلا حقير.
|
أنبتّنـي بالحـب وأنـت السحـايـب ومادام رحت وغبت من يسقي النبت ؟ |
للنفس غايات واعظم كل غاياتي دمعات من خشية الرحمن ندمعها |
إن مت باكر .. من يعزّي طموحي والا طموحي دامني حي مامات ..!
هويت لكن .. ماتهاوت صروحي \ لي مع نهايات الليالي .. بدايات..! |
,
فيني من الشوق .. مايآصل حدود الجنون .. .. وفيني من الصبر شي ٍ مستحيل اوصفه , |
| الساعة الآن +4: 10:41 PM. |
|
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
