|
|
خذني معك وين ما رحت تراني قتيلك . . . . حس بالحـب و لوعاته بدون مااشكيلك . . . . ساكن بجذور ارضي وبعيد عني منديلك . . . . قولي ان فاض مني الشوق كيف احكيلك |
العشـق عشقـه واليالـي لياليـه
وأنـا حبيبـه والغـلا ذا زمـانـه قولوا لمن حاول بزينـه يماريـه يرتاح ما خلا اريش العيـن خانـه الوصل شباك الرضا يـوم نبقيـه والبـعـد ذلٍ للـغـرام ومهـانـه |
لِـيـتْ .. ~
- الفكر مـعَ إلنظـَر يشتـِرك فيـك - - حتـَى ليَـآ منـّي ذكرتِـك أشُـوفك ~ |
من عيوني خذ مراسيل الغرام = كان تفهم في لغة حب العيون
معك انا مقدر على لفظ الكلام = من غلاك اللي بلغ حد الجنون |
واللي يخليك حاول تفهم اوضاعي
حرام نخسر بعضنا بسبة الغيره مافيه داهي تصحي غفوة اوجاعي يكفي وجع قلب غير كل هالسيره |
مسـتـحيـل إني أخونه بالـحيـاه=كـان في مـوتي فـ أنـا كلي حـذر يمكن بـ قـبـري أجـاور لي ســـواه=و أعتبــــر خـنـتـه وأنا عندي عـــــذر |
يالله يلي من ترجاك مـا خـابيالواحد الـي كـل هـم تزيلـه |
عنـدي .. عتاااب ودمعتين وملامـه .. وعندي أمل انـه .. اذا غااااب بيعود .. مااا ابغى اشوفـه بس ابقــرأ كلامــه .. لاصــاااار .. طيب راحتـي ماااالـها حدود |
ليه الحقيقه تعتبر كذب ونفاااق؟ ** ليه الصراحه بالمحبه جريمــــــــــــــــه
|
وش فايدة اشتاق لك وانت تشتاق
وغيري نصيبك وانت غيرك نصيبي دام النهــــايه واضحه بعد وفــــــراق وش الفايده لا قلت إنـــك حبيــبي |
مسجاااتي له
ياخــذك .. يا دمعــةٍ طاحــت على خد المواجــه ما عرفتي تصبــرين اليــن ما عينــه تروح ... ؟ و الله اني ما قصدت بدمعــتي يا قلــب حاجه بس فاجأني بغلاهْ .. و صممت عيني تبوح !!!! |
الي الجوري
تشرق الشمس وتغيب ويشرق الحب ويجيك والمسافة لهفتين وخطوتين ٍ تتبعك ليلة الفرحة تغنت بالموده تحتريك والغلا نبره تهادت في رحابة مسمعك تلبس البسمه مكاني وآقف بدربك ابيك والمَح العشق يتفجر يا حلاته منبعك انتي أمّيَز بين ذيك وبين ذيك وبين ذيك انتي اللي لامشيتي ما سآلنا من معك..!! غاليه والشعر يكتب يا هني الشعر فيك طبعك يسوق الذرابه واللباقه مرجعك بالسما مثل الثريا جيت يمّك مهتوويك جيت انزّلْك بكفوفي ثم احبّك وارفعك قلت ابشبع بالجمال وعدت ثاني مبتديك يا مْعْلّمّة العيون الكحل .. والله ماشبعك ..!! تلفتين الشوف يمّك بي عروق ٍ ترتجيك ودي انثر في ورودك لييين ماتعب واجمعك يا ربيع الشعر ..شعري مثل غيمة تعتليك ودها فوق الخلايق تستهل وتزرعك ماتحسّفت العذارى يووم جيتك مشتريك والمهار البيض(لمحة حِسْن مرّت بإصبعك )!! مدي خيووط الحرير .. وحطي بكفك شريك يسهرك حد الغرام وثم يهيييم ويهجعك وتشرق الشمس وتغيب ويشرق الشوق ويجيك والهوى لجلك وعدني .. ما يغيب بمطلعك !! |
يليت الهبايب يوم تاجى تجيب اعــــلام
عساها الياما هبت ايطيب مشكايه من اليى قسمنى بلمحبه ثلاث اقسام والقسام جابنه علادرب مشــــحايه النقيشى |
ماعلموك إن البشر فيهم اشكال
ليتك تفرق بينهم وتهجه وتميز اللي في مواصلك لازال اللي ليامن غبت صابته رجه وتدري وش اللي يتعب النفس والحال لجالك الغايب ولا معه حجه |
مسجااتي له
ان كان قلبك هزه الشوق واشتاق.... قلبي على شوفك من الشوق طاير |
الي الجوري
مساء الورد يا نور(ن) سطع يالول يا ماسه مساء(ن) ما أشوفك فيه ماهو من مساءاتي مساء أجمل يصير أجمل مسا لاصرت جلاّسه تسولف لي وترسم في ظلام الليل بسماتي تفضّل يا أمل عمري وياحلمه وأنفاسه تفضّل ما عزمت الا انت يا أغلى بشر ياتي تعال بقرب محبوب(ن) كتب لك اروع احساسه ويطلبك العذر لابه قصور(ن) بالكتاباتي تعال اسكن ربيع القلب واستمتع بنسناسه ربيع(ن) ما تربّع فيه ماهو من ربيعاتي عيوني بك تذوب ومنك وصارت حيل حسّاسه لياجاها الخطاء منّك تهل كثير عبراتي أحبّك..لا تقول اشكثر مدري معرف اقياسه أعرف انّك غديت اجمل ملذّه في ملذّاتي أبي أحضنك في ليل(ن) غفى نجمه مع ناسه ولابه غير انا ويّاك نبحر بالمسرّاتي أصب أشواقي بكاسك ومرّه اقلب الكاسه!! أبي اروي ظماي اللي يزيد كثير غلطاتي هنيّا خلك بجنبي مكان(ن) ما احد داسه أبي تبقى اثاريّك علامه في مساحاتي حبيبي دامك بفكري يخف كثير وسواسه والا منّك رحلت اغلط واعوّد في تفاهاتي نصيحة لي معك محبوب خلّك عالق براسه ولا يطري لك تهدّه وتغرق في متاهاتي |
مسجاااتي له
قلبي علـى ذاك الغـلا ماتغيـر مايلتفت شوقه على غيرك انسااان كن الغلا في وسط قلبي مسيـر يمشي بدربك لـو كـااان ماكـااان كنت احسب اني في غلاتك مخير واثر الغلا في غيبتك هز الاركاااان |
مشتاق لك ما تدري شكثر مشتاق
مشتاق لك أكثر من الشوق فيني كثر المحبه والغلا كثر الأشواق كثر الغرام اللي فضحني بعيني |
كيف اعبرلك عن الي في حشاي ,, ودي احكيلك ولكن ماقويت
مايجيك قصور مني في عطاي ,, من طبوعي ماتمنن لا عطيت ما اطيع الناس لو ذموا هواي ,, ولا اطيع الناس لو قالوا خطيت دامني مخطي انا اتحمل خطاي ,, وش عليهم مقتنع فيك ورضيت لايهمك هرجهم خلك معاي ,, الوفا ناداني بعيونك وجيت يادفا روحي اذا اقبل شتاي ,, ويا روى قلبي لو ظميت لحظة غيابك يجرّحني بلاغي ,, وياعذاب العين إلى منك بطيت قبل احبك ماسطع نجم بسماي ,, لا ورب البيت غيرك ماهويت |
ارسلت لك خط ٍ مزرف ومختوم
وخط ٍ وصلني دوك هذا جوابه يانور عيني مانسيتك ولايوم حبك سكن بالقلب. محد ٍ درابه يوم السفر عندي تراه يوم مشئوم ولاعاد ليل ٍ نور عيني سرابه ذكراك في قلبي ترا دايم الدوم وغيرك ترانا ماحسبنا حسابه ياعين حر ٍ لاكفخ يبعد الحوم وياريم بدر ٍ راتعه في هضابه انتي حياتي من قريب ٍ ومن قوم وياليتنا يانور عيني قرابه |
خبروه إني على وصله حييت
و إن تفارقنا ترى موتي دنا لي حبيب يوم روّح ما سليت يعلم الله تو ما ذقت العنا عبرتي هليتها حزن وبكيت يا ردى عمر الحسوفه ما جنا ..! |
دونت أنا هذي القصيدة يا عسى تقراها
في يوم لى طاحت بيدها صدفة المجله ودي تعرف بوسط قلبي حاضره ذكراها و اني عليها ف كل لحظه هايم و متوله و ان الخفوق اللي تعذب من ظما صحراها محتاج لشوية وصل منها يجي و يبله و ان العيون اللي بكت ع دربها و مسراها تتمنى شوفة زولها تلمح ولو بس ظله و ان السبب يا اللي بهجر عشرة عمر أغراها ما زال جاري البحث عنه ما قدرت أوصل له وابغي تعرف ان شوق قلبي في البعد جاراها لكن عجز انه يكمل درب لا ما يدله و انها حياتي م الجفا تغير ترا مجراها صارت لغز غامض محير صعب حد يحله و اني كتبت حروفي هذي و منيتي تقراها يمكن تحس بنبض شوقي لى مسكت المجله |
دورت عنك .. وبينهم ما لقيتك ...اثرك بقلبي ..منت في زحمة النااااس ..
|
الي الجوري
شلني شلني فوق جنح الغرام صوب غيم الموده يالغلا شلني خلني خلني استمد الهيام اشرب الحب تكفا فالهوى خلني يا سحاب الموده يا طشاش الرهام يا وليف احبه بالعشق بلني ان تهايت شفتك مثل بدر التمام وان تباديت شوقك بالوله لمني يا عيونك عيوني في عيونك تنام بين رمشك ورمشك موجهن عمني يا دموع التلاقي فوق روض السلام يا شموع تضوت نورها ضمني في حضورك حبيبي انسجم بنسجام نور وجهك كفاني فالدجى دلني كيف صبحن تلالا ساحبن له ظلام كيف مدري ولكن كيف ما همني بس كيف السمنه تنحني بحترام يوم مر وشذاها خنها وخنني لين بان المبسم بنسدال اللثام طحت بين المصيبه والعشق كنني الهوى من جنابه صابني فالعظام لين بريد حشايه بالعشق علني شفت كل المحاسن في سمو المقام وارتقاء المفاتن بالشعر حدني بين عقلي وقلبي قام شب الخصام قال انا حبني و قال انا حبني سولعي لو دماني لو مها لو حمام لو رشا لو كناري لو حلم صابني يا حبيبي احبك عد حرب وسلام وعد طير يغرد بالهوى شاقني |
المشكله جيت في قلبي وفـي عينـي
متمكنٍ بيـن حـدّ النبـض والعبـره من صبّ دمعي ليا مجرى شرايينـي وياصبر عنقود البدوعلى الثنتيـن ياصبـرها |
اللي يبينا عيت النفس تبغيه واللي نبيه عيا البخت لايجيبه
|
اعــود.. لـــه.. عـلــى بـعــد المسافه..مـهـتـوى وأجـيــه وفناجـيـل الصـبـا.. مــن.. دلـــة.. الاشـــواق مصـبـوبـه |
من يشتري قلب اهمومه ملايين --- ويبعلي قلب من الهم خالي
|
يسعد صباحي دام صوتك صباحي....احلى صباح اللي يجي فيه صوتك
لـبـا نعومة بـحـتـك وانـت صاحي....لـبـا صباح الـخـيـر مـا بـيـن توتك قـل للعذوبه فـيـك تطلق سراحي....وانت اللـي خابرني اضيع بسكوتك |
الي الجوري
سما هذا الغلا بين الضلوع وستّل الجنحان يحلّق في مدارات الخفوق الحالك لحاله شدا بأعذب حروفٍ للهوى، ويبادل الألحان على كل المقامات يعزف ويجر مواله تباها بأنه لحاله ملك قلب وشعور إنسان بعد جره على سلك الغرام وساق مرساله بعد شاله على كف السعادة وأشعل النيران وحمس بنّه على جمر الضلوع وبهّر دلاله وأنا اللي للغلا ودلال عشقه جيت له عمسان تقهوى العشق من دمّي بعدها مد فنجاله هلابه من بدا ذكر الغلا من سالف الأزمان هلابه من سرى حتى وصلنا وحط برحاله هلابه من خفوقٍ له تحرّا الوصل من ما كان طفل ما حط فوق الراس لا مسفع ولا شاله لبس ثوب الغلا وأمطر على صدر الشقا الهتّان وغسل كل الجروح اللي ربت من قبل ما جا له سقا جدب العروق اللي روت من قبلها الحرمان وحضن للقلب واستوطن وحط ضلوعي ظلاله سرج خيل الهوى وأصبح وحيدٍ داخل الميدان يسابق طيفه لقلبي ويرسم فيه تمثاله يسافر في ربوع الذاكرة ويحارب النسيان يقول إن ما لفاني بالخيال أجيه وأعناله نشل روحٍ من صروف الزمان تعاني الأحزان ونثر كاس الهموم اللي من الأيام تعباله ورحل بالفكر وحروف القصيد لعالي الأوطان ونزل في منزلٍ قبله ما أحد وصله ولا طاله يقول الدار ملكي ما ينافسني عليها إنسان وأقول الدار دارك يا حلاة الدار وأطلاله وشدا بأعذب حروفٍ للهوى ويبادل الألحان وحمس بنّه على جمر الضلوع وبهّر دلاله |
ودي أسمع صوتك اللي لاسمعته=من عميق الحزن للفرحة خذاني ودي أسمع صوتك اللي من فقدته=صرت فاقد كل حاجة في زماني |
ياوجد حاااالي كل مامر ذكره....وجد الذي راحت حياته مجااااااااعه...
|
كـآن الرجآء فيـ شـوفـتكـ يومـ //فرقآكـ..الله يجيب موآدعكـ لجل // اشـوفكـ..
|
جيتك بقايا حي كل اكثرة مات -------- وصلت لك با اخر رمق من حياتي
جيتك خوي الخوف في رحلة الذات ----- بين الرجا وظروفي القاسياتي جيتك من الفرقا كثير التلفات ---- جيت انتحر في نجلك الناعساتي جيتك مزيج جروح ودموع وأهات ------ نديم لعيون الاسف والشماتي جيتك شظايا تشتعل شوق بسكات---- ما ادري حزن مدري سعادة اسكاتي جيتك لوانتي سابع المستحيلات---- اللي يحبك يصنع المعجزاتي جيت استجيرك من شمس المتهات-----عيت تظللني تحتها عباتي وابـــ... أتعفى عقب عذاب المعاناة ----- على رصيف اشواقك الدافياتي تلقفيني من ايدين التشتات ---صيري بحلاة الروح قارب نجاتي هلى غلا يمحى كدر كل مافات ---- يامزنت افراحي ومنبع هناتي |
الحب لو ماهو .. بعقل .. وركادة "
يطيح بـيدين .. الزمان .. الاناني ! زعل / رِضى / أحزان / دَمْع / وسعادة آمال ! / احلام / وقصيد .. وأغاني وصل الحبيب !.. وطيشه وابتعادة بُعد الحبيب " .. وأغنيات الأماني ياقلب تـقدر .. للنّصيب .. وعناده ؟ تعال .. ابيك تحط نفسك مكاني " |
صۈرتڪٍ في عيني
ۈفي ~آلقلب~طآريڪٍ تعآل شۈف بدنيتي (ۈش مڪٍآنڪٍ؟) آن جيت ڪٍل دقآت قلبي تحييڪٍ ۈآن (رحت) يڪٍفيني بقآيآ حنآنڪٍ أعآهدڪٍ مآ يۈم ممڪٍن (أخليڪٍ؟؟) ۈمآعآش من يآخذ بقلبي (مڪٍآنڪٍ) |
حبيبي لو أقول أني ما أحبك لا تصدقني=مجرد نزوة العاشق إلا منه رحم نفسه
|
وين انت غايب عقبك الوقت ماطاب
قلبي مـن غيابـك تزايـد عذابـه لاتغيب يالصاحب بلا عذر واسبـاب وقلب العنى تفتح على الضيق بابـه واذا غيابك جبر مـا عنـه مجنـاب ماجا مـن الله كـل حيـن رضابـه عطني خبر عن غيبتك ياغلا الاحباب ارتاح لـو بعـدك همـوم وكاءبـه رسمتني صوره رسم فن واعجـاب ذكـرى بقتـك ياحفيـد الذيـابـه |
للشوق في صدر الهـواوي ينابيـع وللصاحب الغايب مهابـه وسطـوه الغالي اللي بعـده اليـوم بأضيـع كانت حياتـي قبـل فرقـاه حلـوه ياما على شانـه بنيـت المشاريـع وعقدت مع كـل الاحاسيـس نـدوه ونهاية النـدوه قـرار(ن) وتوقيـع ((كل المصاعب لاجل الاحباب فدوه)) يا اللي جمالك لوَع القلـب تلويـع خـدك يشعشـع مايغطيـه غطـوه تبغى حياتـي كـاش ولا مقاطيـع يا اللي غديت لباقي البيـض قـدوه القلب وسط السوق معروض للبيـع وأنا أشهد إن الحب والعشق بلـوه وأنا حفظت الدرس والحين تسميـع ومشوار ألف الميـل يبـدأ بخطـوه |
مساء الخير علي الموجودين والغايبين
لا جزا الله دورت الحظ الاقشر والصدوف لا عطتني بيض الايام عرض كتوفها واقبلت سود الليالي على بابي ضيوف شيب عيني من مساييرها وضيوفها لو ضحكت الهم كنه على القلب محذوف وكن معاليقي رياح السموم تلوفها ماسلمت من الليالي مقلبت الكفوف شف على وجهي يبين مكان كفوفها لو مانيب اخاف بين علي الوقت خوف وانزف جروح نقع دمها في جوفها الحظوظ القشر ماهي تراعي للضروف والليالي ماكمل بالوصل معروفها ليت عيني يوم قفا وليفي ماتشوف كان ماكثرت على الماضيات حسوفها وليت ماطرد المقفي بسلم(ن) لضعوف وليت نفسي بعض الأشياء ماهيب تعوفها القضاء والقدر معاد تلحقها الحسوف كود تلحق رايحات السحاب قنوفها وكل شي (ن) غير فرقا المحبين مخلوف المفارق عند الاحباب مثل حتوفها كل ساعة وصل من سبة الفرقا تطوف ماتعوضها كنوز البشر وألوفها المفارق مر والشوق ناره ماتروف غربة الفرقا تشق الصدور سيوفها ودمعة الفرقا على الخد احد من السيوف لستباحت عز نفس العزيز ونوفها العزا لي فيك مافاد يازين الوصوف عنك ماتغني جموع البشر وصفوفها والله ان غيرك من البيض عافتة الشفوف كل عذرا عقبك امرها وطوفها والله ان قلبي اذا مر طارييك لهوف والله ان الروح في قبضتك منصوفها والله ان ذكرك اذا مر سمعي مايطوف لين يطوي الحزن نفسي معك ويحوفها لدلي بعيون قلبك اذا عادة يشوف وشف معاهيدك طبع في حشاي حروفها فيك مايقطع رجا القلب يانابي الردوف كل حالات الجفيا وكل ضروفها منزلك عندي الى حزة الموت معروف في عيون (ن) قدرك اغلى علي من شوفها |
| الساعة الآن +4: 12:33 AM. |
|
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
