إن ضاق صدركـ ،، وصار الوضع به رجة ..=عليكـ ،، باللي هموم العبد فرجها

وإن صار وقتكـ ،، صعيب ومرتكز عجهـ ..=ضحككـ ،، بوجه الليالي السود يزعجها
إقهر بلاوي الدهر بالضحك والسجة..=وإضرب برجلكـ ،، دروب العز وسهجها

يغيب ويرجع لي من الشوق ويغيب=وإن عاد يلقاني بشوقي انتظرته
لامن حضر كل المشاعر معازيب=واليا اعتذر من طيب خاطر عذرته
بعيد عن غيري ومن فكري قريب=...يحس بشعوري مثل ماشعرته
صديق خوة عز وراعي مواجيب=حزامي اللى بالشدايد ذخرته
عنيت رجلي للخطر والتجاريب=أقسى دروبه لامشيته عبرته
لي صاحبٍ يملا قصيدي تراحيب=يفز عقل الشعر لامن ذكرته
اليا كتبت بحضرته ماهو بعيب=العيب والله لاكتبت ونكرته

الامنا ما تنكتب فوق قرطاس=على ملامحنا تدوّن و تقرا

كم شاعر قصايده تطرب الناس=واصدق بيوته داخل عيونه اسرى.!

حي السهر مادام نومـي كوابيـس ’’=وحي الخيال إليا أصبح الواقع أوهام ’،’
من يوم أبونا آدم همس بأذنه إبليس ’’=وحنا نشيل هموم وذنـوب وآثـام ’،’
حنا بشر دم ومشاعـر وأحاسيـس ’’=كل الفوارق بيننـا بصمـة إبهـام ’،’

قضَت كُل الْسَوَالِف ،و ابْتَدَى ثَلْج الْوِصَال يَذُوْب !=سَرَوْا حَتَّى مَعَازِيب الْضُّيُوْف و طَآلَت الْوَنَّه
تَمَادَت مِثْلِي أَحْلَامِي ،...نَسَت بـ إِن الْقَدْر مَكْتُوْب !=تَكُفـن شَوْقِي بـ صَدْرِي [ عَسَى مَثْوَاه لِلـ جَنَّه ~

بمشي بدربي واترك الناس يمشون=كلن على كيفه رقى كل هامه
ولا صرت انا من راعي الطيب مطعون=ابيستوي قرب الرفيق وعدامه
وأن خاب ضني بأقرب الناس وشلون=بعطيك ضني يارفيق الندامه.!

في غيبتـك دآيـم أردد مـع النـوم..!=بيتٍ ذبحني بالشرآييـن [ سـاري ]

يا غآيبٍ عنّي تـرى للبطـى لـوم..!=لا شآفتك عيني و لا جبت طـآري ..