لـــ / الضحكه إللي في شفاتك تعابير=ولــ / السلهمّه إللي في عيونك سوالف
،.،
لي مع نظّر عينك دروب ومشاوير=ولي مع سنا ضحكتك عهّد وتحالف
،.،
لا قلت أسّف ... تقبلين المعاذير .؟؟؟=طيّب فديتك يا هوى الروح .. أسّف
،.،
سلَيت عنك فيك .. ما رحت لــ / الغير=ودامي معك ( سالي ) ... أظن ما يخالف
،.،
أناظر عيونك سما .. والنظر طير=وأراقب إشفاهك ... وأنا فيك تالف
،.،
المعذره ... وما دام جيتك على خير=نرجع نكمّل ... ما بقى من سوالف

لا تلمسين الجرح والجرح ماطاب=بس أتركيني لين تبرد جروحي
أنتي مصابه بس أنا حيل منصاب=عقب المصيبة صرت لا أبصر ولا أوحي

كل ما مليّت حبّك .. عشقتك من جديد=والغلا ماهو بــ / شي ٍ على البال .. وخطّر
،.،
جيتني من عقب ليلة تجافي / صبّح عيد=لوّ منت بــ ( عيد الأضحى ) ولا ( عيد الفطّر )
،.،
يا كثر ما تعطي من الأحاسيس .. وإتزيد=لين زعّلت المحبين .. وأحرجت المطّر
،.،
كل ما جيت أتخيّلك .. في حبّكة قصيد=تصغّر الصفحه من الشوق .. ويضيق السطّر
،.،
وإن خذوك الناس .. والوقت .. والطبّع العنيد .؟؟=إترك أبيات القصيده ... وغنّ أول شطّر

كيف وصلت خطوتي لك كيف ماأدري=لا الدرب دربي ولا المشوار مشواري

يوم هّب الوقت .. وأعماني عجاجه=الفرج عيّا ... وأنا بالصبّر راهي
،.،
ويوم مال .. وطال ميله وإعوجاجه=رحت أدوّر شي ٍ يشّد إنتباهي
،.،
وشفت زولك مقبل ٍ .. مثل إنفراجه=كنّه إللي جايبٍ عزّي وجاهي
،.،
ياااااه ياضيقات صدري وإبتهاجه=تذكر أخر مرة ٍ شفتك ... متى هي .!!!
،.،
صاحبك من يومها .. زاد إحتياجه=وإمتطى ظهر المصايب والدواهي
،.،
سولف الليّله على قلبي ... وناجه=من بقى لي غيرك ... ( أفخر بـّه وأباهي ) .!!!