|
قلبي قفلته عنك يافلان وفلان
وكسرت مفتاحه على شان يقفل جارنا |
يوم صغت السؤال و عاد نفس السؤال
قلت : وشلونها ؟ و اوحيت .. وشلونها ! بين هم الشكوك .. و قسوة الاحتمال كل حيرة تغني لي .. من لحونها ! فاقد اغلى هدايا الوقت .. قد لي ليال الوفا من وراها .. و الغلا دونها طمنيني عليها .. يا هبوب الشمال خلي الفاتنه .. يرتاح مفتونها . |
اضحك مع الناس واخفي همً قتلني*.* همٍ بوسط العين بين ومفضــــــــــــوح اخفي دموعي بأبتسامه وكــــــــني *.* كني سعيد بدنيتي بضحك ومـــــــــــزوح وانا اللي فيني هم وحزنٍ سكـــــني *.* لو سكن غيري من القهر بات مذبــــوح |
وشلون توصيني وتنسي وصاتك
وتصد عن قلبن تقطع يناديك , |
يا ماحلا سوق القدم حزة الضيق وترك المدن وعيالها المستخفة ومد النظر في حاجرٍ له زماليق للنفس عن قاز المدينة تنفه |
ان قلت قلبي قانع منك كذاب
ياقي لحبك ذكريات ترده |
.
. . حظي تردى ياليت الحظ...يتبدل وابيع حظي لغيري...واشتري غيره |
لا جيت بنسى هاجس القلب ساعه
يطري علي من الهواجيس ما ضاع ياليت من قلبه على الكيف طاعه ماهو بمثلي عاصي ٍ لي ولا طاع |
يهزني لك شوق قلبي وأطيعه
وأروح وأرجع والوله عنك ما راح لو لا الحصون الكايدات المنيعه في صدري اللي كل ما يذكرك فاح كان انكسر قدر النفوس الرفيعه ما بين تصنيف الخسائر والارباح |
حطيت نفسي في مكان الاماكن
اللي تركها اصحابها واهجروها ! لقيتني مجروح جداً .. وساكن ! وشلون يوم وداعهم م خذوها |
كتبت ماهو عشان تقول عاجبني
مليت من روعة وصح الله لساني انا وطن شعر لو شعري متعبني كتبت اجمل حروفي لجل تقراني |
ولاتصادق من يبيع الخوي لجل الفلوس
واترك إلي باردن دمهه وبهرجه برود والله أني ماعرف ولاتعلمت دروس لين هملت الضعاف والحثاله والحقود |
ياشرهةٍ عدت على الفكر باوهام
حاولت اعيي ماتجي وابتلتني تولجت حتى من اطرافها قام نومي وعيا لايجي واسهرتني أحيان أحس إني مع الناس قدام واقف مع العالم وهي مانستني وأحيان احس إني من الوقت منضام ماكني إلا دمعتين وبكتني ياشرهتي واللي خلق كل الاقوام لو العتب يقنع بشر ماقنعتني حاولت أجنب دربهم مشي الاقدام أقفي وشفها زلتين إلحقتني يعني كذا مخطي وفي حكم العدام والناس لو بوفي لها ماوفتني ياشرهتي روحي على درب الاحلام روحي مع اللي سافرت وتركتني سفينة احلامي مع ارياح الايام راحت وهمي بالحنايا جزتني واللي بقا من عقبها دمعة ايتام لحدرت من رمش عيني كوتني |
ما يستوي للموت مثلك شرواك
ياللي بلوذات المساعر تطيبي |
لا طاح من عيني صديق
اقول : خلق الله كثااااار . و احتاج لكن ما اضيق الضيق .. ماهو للكبار !! |
صحيح مابه سراب يسقي الضامي
بس الاماني : توسّع صدر .. راعيها |
مطنوخ وارث الطناخة من لابتي عبس مافوقها فوق
|
ياحمامه غريبه عند باب السلام
شفت رسم الهوى بطراف جنحانها |
تمرني ذكرى هوى بالي وانا منها جريح
وهذي سنه ما طابت جروحي ولا داويتها تمرني واخاف لا مرت من عيوني تطيح دمعة يا لولا العيب والمنقود ما رديتها |
لا تعتذر يا صاحبي ما فيك شك ولا ظنون
عنك الخطا مدموح والزلات والدنيا فدآآ |
"
دايم احس انِي بدونك ولا شيّ ، ودايم احسك " شيّ " عايش بدونِي ؟ |
-
لو خذاك الحزن لدروب العتيم ، لاتمل الصبر وتخاف الظروف ، ابتسم مادام لك ربٍ كريم ، واحتسب مادام لك ربٍ يشوف |
نحلم ولا شفنا من أحلامنا شي
الحلم حااااالي والمقادير مره |
ما عاد باقي .. بالعيون دموع
ان كان ترضيك الجروح .. اجرح |
نعيش بالدنيا ولا نعلم الغيب
ونطيب ، لو الشر بالناس شايع ! وإن ضاع من نكران خلق الله الطيب الطيب عند الله ماهوب ضايع |
ناس مراجلها سواليف وزعاج
لا فايده منها .. ولا خير فيها |
ومعوّض خير ياحيٍ خدعك من الرجال أشكـال
تشوف أشكالها وتحطها أرفـع مـن منازلهـا |
ليتك عطر .. وتهب مع كل نسناس ،
واشرع ضلوعي على اربع جهاتي .. |
المطر لا طاح .. والبرّاق لايح ،
لو سقا 100 قبر ما رد جثه ! . فـ لاتحمس من ورى بعض المدايح ، ما ورى بعض المديح الاّ المغثه .. |
إقتباس:
|
لامن ذكرت الزمان اللي مضى والصداقه
عود القلب يرجف مثل رجف المكينه |
ياملً عين تذرف الدمعه على احبابها
اللي تعدو ليلة الجمعه حدود الكويت |
"خايف اتعود على الدنيا بدونك
هذا أغرب خوف مر بكل حياتي". |
ما للشتآ لذة ../ ولا لشتآ روح
لا صآر مايجمعك مع منً ( تحبه ) يآ ذا الحزن قلي : متى نآوي تروح ؟ عطني خشم فرقاك ../ ( وآنا بحبه ) |
.
من طوّل الغيبات يفقد مـكانه . ! |
وادمح خطى المخطي ولو صار تقصير
مسكين مايدري وانا اقول معذور وين الذي يكتب لنا اليوم تقرير ويفسر اللي صار واصير مسرور |
العثرة اللي لـ كسرها كنت جابر
خلّت جميع الناس ، دونك ودوني إحساسي إنك لي ماكان : عابر كنت الزمان اللي وقف في عيوني ! |
لاضاق صدرك واليالي تحدتك
اصبر عليها واصبر زين لو طال |
لا شي... لم احفظ من الشعر شياً ☹
|
أنا قافل على ماضيك في الأعماق
وأظنّ إنّي نسيت الجاي بالماضي ! إذا فاضي ؟ تعال أعلّمك تشتاق تعبت أغيب وغيابي على الفاضي ! |
| الساعة الآن +4: 05:03 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
