اوفى الاشجار شجْرة واقفة= من زمن ماتمّل الانتظار
راحت اوراقها فيْ العاصفة= واضْحَكت بين كومات الغبار
قالت لمن نساها : آسفة = واشتكت حزنها لشمس النهار
شجرةً بالنسايم وارفة = كنّها ام ٍ خذوا منها صغار
في ليالي المفارق : خايفه = من يقدّم لها بعض اعتذار؟
ف الشجر شي كني عارفه = قل خريف ٍ تحوّل لـ اخضرار
ف الشجر لوسمحتوا :سالفة = من على طاولات الما : تُدار
وحب ٍ آخر كأني شايفه = وفي مدى اغصانهاردّ اعتبار
سرّها الظل، يعني نايفة = قلبها العشق، يعني فـ ازدهار
جيتها والمآقي طارفه= وكان عصفور يسكنها، وطار
قلت أحبك،،، وقالت: خايفة= وانحنى الصمت في روحي ودار
قلت وَ انتي لحالك واقفة؟= قالت "مْواعد ٍ ظلي : صغار"

كني أحس ان التعب قال: أنا جاي!=ومن دون روحي جبت روحي وجيته..
الياس يرمي أسود الهم بأحشاي!=والفرح بيدي لليالي رميته..
وانت دخيلك لاتذكرت ابكاي!=قول عطتني بيت ياما قريته..
"لا تاخذ الحزن ابيه وياي!=اذكرك فيه ولا ذكرتك نسيته.."

شقت الأمل وشلون يبقى مع الناس=مثل الأمل تبقى معي حيّ ٍ أو ميّت