كنه يقول العشق فيكم وفيني=مع أنه الساكت وأنا ماتكلمت
أنته تبي الصمت بينك وبيني=طيب أحبك كيف تنقال بصمت

قلي من اللي يحمل الهم عني=لاغبت لحظة عن عيوني واقفيت
ليه الصدود وليه كل التجني=اشهد انك في عذابي تماديت
ان كان قصدك بالغلا تمتحني=انت الوحيد بداخل القلب لك بيت

ان كان همك مايقولونه الناس =الناس حتى اللي بقبره حكوبه
ماعندهم يازين رحمه ولا احساس=كم عاشقٍ قبلي وقبلك وشوبه

تجمـّل يـا زمـن واضحـك بـ وجـه التـايه المحـروم=خذيـت اللـي خذيتـه وش بقـى وبـ تاخذه ثانـي
هنـا وسـط الحشـا فـي داخـلي كـان الغـلا مرسـوم=تـرعـرع داخـل القـلب الرهيـف الطيـب الحانـي
هديتـه صـادق الإحسـاس فـي عقـد الوفـا منظـوم=حفظـته داخـل القـلب وحضنتـه وسـط الأعيـاني
سقـى الله ليـلـة البـارح هـواهـا يشـفـي المهمـوم=سـرت بـ أفكـاري لـ ذكـرى الحبيـب اللـي تمنـاني
بعـد مـا راحـت أيـامه بقــابي حزنـي المكتـوم =تـمنيتـه يجـي ويشــوف كيــف غيـابه أشقـاني

صوّت حبيبي وقبـل أقـول ياعونـك= شكا جروحه ورحت اشكي له اطعونـي
يقول ما اقدر أعيش اليوم مـن دونـك = وأقول حتى ولو ماعشت مـن دونـي
يمكن أنا أكون اعز إنسـان فـعيونـك= بس انت والله كـل النـاس فـعيونـي
لاصرت ربعي .. وداري فيّة اجفونـك = وش دخّل الناس خل النـاس يجفونـي
يكفيني إن انت لامـن قلـت وشلونـك = تطيب كل الجـروح ويختلـف لونـي
وان كان منت بـمصدقني على هونـك=تعال طالـع ادروبـك ويـن ودونـي
اصبحت اجامل اعداي اللـي يحبونـك= واكره مشاهد اعـداك اللـي يحبونـي
ومن كثر ما أحب واكره عنك واصونك = اصبحت دفتر مشاعر وأنت مضمونـي
إن غبت عني شعـرت بلـذة طعونـك = وان شفت زولك شعرت بقيمة عيونـي

هههههههه

في ترافيان

مرات أحسّك تبي تشرب من انفاسي !=ومرات أحسّك تبي تهرب ... من الحيرة

دخيلك اطعن غياااابك .. تعبت احايلك .. واحتاااال

دخيلك .. ملني هذا الطريق ... ومل جيااااتي

وينك رحلت ووقّفت سير الأيام=وينك توقّف كل شي ب زماني
وينك رحلت وفي يدي باقي أحلام=محتاج أحقّقها معك يا أناني
تدري بدونك إن أيّامي أعوام=وتدري ب أن عمري معك شي ثاني

لبيه يا جمرة فتيل اشتعالي=جيتك أبشعل ليلتي فيك واطفيك
جيتك وكلي دهشةٍ من سؤالي=وشلون أجمّع بك شذى الورد واهديك
من أولك لآخر مطاف ارتحالي=تعبت أهاجر لك وأنا مهاجرٍ فيك

أفكر فيك وأتأمل وش الدنيا قبل ماألقاك=وأنا من يوم حبيتك صارت حياتي غير
هويت الناس والدنيا كثر ماخاطري يهواك=وصار الحب له لذه تفوق الوصف والتعبير
حياتي دنيتي أهلي وكل عالمي يفداك=أنا كلي غلا جيتك ومن فوق الغلا تقدير
أحس الليل به نبضك وريحة عطرك وذكراك=وأحس أنفاسك الحلوه يداعبها الهوى وتطير
ألا ياليتني أفتح بقلب الليل لك شباك=وأجيك شايلن قلبي على خيط الظلام أسير

وشلون مادري كيف روحين في روح = ماكنت اصدق باندماجك يالارواح