قبيلة بني رشيد - تحت رمش(ن)من رموشي تنثني "نجـد العذيهَـ. لاشموخ إلا شمـوخي وما الكبريآء الا كبريائي!!

قبيلة بني رشيد (http://ban3abs.com/aa/index.php)

- المنتدى الأدبــــــــــــي (http://ban3abs.com/aa/forumdisplay.php?f=27)

هبـي بريحـه ياهبـوب الشمالـي
...... كود الجنوب ومطلع الشمس تنصاه !

جآفي / وقآسي.. مبتعد ! وأستلذك
نآسي ! وعآدي / مايهمك ولاشي

طيب أحبك / عآدي قلي : أحبك
حسسني أنك تشبه الغيم والفي

ربك تعيش الحب مثلي .. وربك
تشيل قلبٍ شآلته رآحة يدي

ليتك حطب لاونست بردي أشبك
لكن حسآفة ! أمنية ميتٍ حي

تعال بعضك ! لأ .. أنآ ابيييك كلك
أبيك وآجد ./ مدري ودي بك شوي

أبي اشوفك .. يوووه نفسي أضمك
أنا اشهد أن الجرح توّه بعد ني

أنا ملكتك ..! وأعترف صرت ملكك
وأنته بيديني / بس ماحس بك لي

ربكة شعور القلب ! لاتستفزك
هذا أنا : لاضعت أهوجس وأهذري

تعال جنبي // وأسترح . قول ودك ؟
ودي أجمّع حكينا عقد / وحلي

غمض عيونك ! وأنتبه لي بقلبك
شغل موسيقآ .. خفف النور والضي

خذ لك نفس .، وتذكر أني بجنبك
يعني تشجع ! لو زعل خآطرك عيْ

مال الزعل دآعي بدربي ودربك
لاصرت ظميانك / وفي راحتك مي

قررت أحبك ! غصب ! كيفي بحبك
وأدري بسيطة تعتبرها ولاشي

يعني حبيبك / شمس عمرك وظلك
ياللي بعآدك موت ومصافحك كي

دلة غلا / في وسط قلبي وأصبك
الصدر بيتك .. وأسترح / لاتوصي

ولع لنا [ فيرووز ] والصبح صبحك
فيروز وقت الصبح ياسيدي شي

نامت عيونك / وآبتدا حس بردك
ابي الدفآ .. مادام برد الجفآ فيّ

عزمت أعيشك ! لا بعد وأستحلك
مدري علامي كاتبك بالغصب لي

مو بس أحبك / ألا من زود حبك
اشوف كل الكون من دونك خلي

،

ماني ضعيفه بس ماعاد ، بي حيل
.... وماني حزينه بس ماني سعيده

ماغير احط من التفاكير ، واشيل
......... لاني قريبه منّه ولا بعيده

ياليل قلّه .. هدها الشوق ياليل
... و قله ترى لي قلب ماهو حديده

وياركن كانك لـ الغرام المراسيل
....... قلّه تراني ، دم داخل وريده

كني اشوف دموع عينه ، هماليل
.... احس به لو صدمتي به شديده

ادري ما يسفط لي فـ بعده غرابيل
... ومعه ما يكفيني شعور وقصيده

والبعد لو يلقى علينا / مداخيل
......... قلوبنا صارت قلوبٍ بليده

لكن انا وياه فالعدل .. والميل
....... دايم محبتنا / محبه جديده !

ياأرضنا ، يا زرعنا ، والمحاصيل !
........... متى على الله مجدنا نستعيده ؟
....... متى على الله مجدنا نستعيده ؟

,,

أحترق لا مرٌ طيفه و أتصبٌر ..
ثميهبٌ آلشوقو يزيد إحترآقي ..

http://www.ha-qtr.net//uploads/image...be58645f45.jpg

أسهر لحالي و لا يطري على بالي
إلا بقايا عِطْرْ من طّيَِب السيرة

اللي من أول أعده ذروة آمالي
صديت عنه رضا وأدري الجفا خِيره

قلبي بعد غيبته من فرحتي خالي
و الهم.. كَوَّن بعيني الذابلة ديره

يمكن نساني وعني خاطره سالي
و يمكن نصيبي بيجمعني مع غِيره

كانت عيوبه محاسن مُرَّها حالي
و صدري وسيعٍ على شّرَّه قبل خيره

ما كان كامل \ و لكنّه عليّ غالي،
حبيت كلَّه –عدا قَسْوَتْه و الغيرة-

تهتم , وتحاتي , وتشتاق , وتغير
ومن سبتي .. ما تهتني في منامك !

أرفق شوّي - وأعدّك مسوّي ٍ خير
تراك ذابحني بـ / كثر إهتمامك ,

{ قم غن ّ ياقلبي ( ترى الشوق غلآب )
... يمكن .. يحســّـون العرب بـ إشتيــآقي .....!!

عندي أمل فيهم .. ولي قلب ماتاب ..
... هآقي .. وأنا مثله .. بـ الأحبآب / هآقي ....!!

طآمع بهم لآ شكّ .. وآخذ .. بـ الأسبآب
... مادامها .. مآوصــّـلت / لـ الترآقي ..........!!

يتحمل المخطي نتيجة فعوله
.........ولو هو رجل .. تلقاه طلق المحيا

يتعذر وعذره يجيك و يقوله
.........يوم الوغد عن وقفة العذر عيا

مير الزمن .. عقله غدا في رجوله !
.........وأخلاق بعض الناس صارت بليا

تلقى شعر وجهه وصل لى نعو ...
.........وخواته أبرك منه جود .. وحميا !

ترى الذكورة شي .. غير الرجوله
.........وتفرق .. مثل فرق الثرى والثريا !