ياصباح عطور " سيفورا " وعطر المملكه=عطري اللي لو ارشه تهادى له قلوب
جيت اصبح به عليكم وارشـــــه واهلكــه=واعلن العطر اعتذاره ولى للهروب

اقتباس من مشاركة ريتال الداموك; ودي اجيك من التعب ثم أضمك وتشوف أنا وشلون عايش بلياك قربك عطر ودي من البعد أشمك أخاف يبرد مابقى لي بذكراك أبنثرك في عروق قلبي وألمك وأحسسك بالحب في يوم لقياك باقي معي أغلى هديه تهمك متى يزين الوقت وأكون يمك اقلها اعرف ظروفك ودنياك ياليتني في أنفاس روحك ودمك أبقى معك وأعيش الأيام وياك ياكثر ماني بغربتي شلت همك انشد نجوم الليل من عقب فرقاك عليك أخاف أكثر من أبوك وأمك والله ماتلقى مثل قلبي أغلاك مارتاح أنا من الوله لين أضمك وأعلمك وشلون حالي بلياك *:..*:..*

وش يضر اللي كرهنا لو كرهنا=وش يفيد اللي نحبه حب جمّا
هو بقابه ضيّ واهي نهتديبه=هو بقابه خطب داهي ما (ألمّا)
مير من يرجي من الانذال حاجة=يستحق الخزي و يسام و يذمّى
و من سعى بمعروف مع (سقط الاراذل)=خاب في المسعى و زاد الغم غمّى
من (يقيسك) بالدقايق و الثواني=العقارب ؟! (وافق الاسم المُسمّى)

يا مودعات السنين من العمر هاكن=تالي تباريح ليلي في ضحى عيدي
يامدلهات الحشا مدري وش ألهاكن=أونس بصدري مثل (فوح البغاديدي)
يجلى غثا الكبد يوم أشتف من ماكن=شف العسل من (أشافي ترفة الغيدي)
واللي جمعكن بوسط الصدر وأنشاكن=إني لحطب لرعدكن من تناهيدي
وإلا هبوبي رفيعة شآن شروآكن=(النقص ينقص) عن الحروة (وأنا آزيدي)

الأصايل كل يومٍ تلافح بالكعوب=(والردي) لا عيّن اللي (يهينه) قدّره
ولا تعرف حسابك إلا ليا صرت محسوب=وشرهة القادر على العالم المتقدّره
فالمقابل تنفتح له دواليب القلوب=(والمقفي) (قلعة الوادرين) تودّره

كل ماشبيت نار المحبة مع حبيب=قام يسحل في مشاهيبها ويرشها
كل ما قابلت لك فالزمن وجه غريب=مثل ماقال المثل دام تمشي مشها
وذمة ماهي بـ / تندان للحق المصيب=جعل قشاش الحطب لا سرح يقتشها

إن قلت (شمت) وخاطري طاب (كذاب)..=وإن قلت أبيك.. (أرخصت نفسي بعيني)..
خيرني أمري.. بين أصعب (خيارين)..=(موتي أنا) أو (موت الإحساس فيني)..
لكن (زماني المر) علمني..اني=(أموت) مااحني لجل قلبي جبيني..
والله (ما تلقين حبي مع الناس)..!=(روحي) وهالايام (بينك وبيني)..

كم شانت وجيه الرفاقة ولا شنت=خابرك يا (قلبي) تحب الرفايع
(وفيت) معهم و(أكثر) من الوفا كنت=و(الغدر) بين الناس هالوقت شايع
(أسرفت) بإخلاصك ،، وطيبك ،، ولا خنت=مع دنيتك جربت (سبع الشرايع)
كن المثل ياقلب (راكب عليك أنت)=(سبع) صنايع لكن (البخت) ضايع