غبيت في ضرف والله يعلم الاحوال= الله اللي عليم بكل الاحوالي
كل مرتاح عادن الجداد سمال= لان صار الفواد من الصبر خالي
صابني من ضروف الوقت صكة جال= صكة ٍ من عناها زاد غربالي
ولايفسرغيابي في زعل وخبال= لاحشا ماحصل من ربعي اشكالي
غير شين حصل في دبرة الفعال=وحمد اللي يبدل حال لاحالي
ذا هو اللي حصل لاتعملون الجدال= زبدة الهرج هذا اول مع التالي
وشكر العمده اللي في رجوعي قال = رحبو بالصديق الصاحب الغالي
وشكر السبع ساعة غبت عني سال= حي ذا الوجه ياراع الخلا الخالي
وشكر معزب الضيفان سمح البال= وشكر القسوره ماهل همالي
وشكر البرمكي مابان نجم وزال= ولاسد وبن عبس وكل من سالي
منهم اللي عليه مرسل ٍ مرسال = ومنهم اللي يكلمني بجوالي
ومن نساني نسيته ماخطر بالبال= جيت في عز ماجيت العرب جالي
من بخل بالسؤال بدقة الجوال = كيف نشره عليه بشيل الاثقالي
وليت معيوف يدري وش حصل بالحال= عن هجوسن خفيه تشغل البالي
ولو سهل يعرف اللي صار عرب الخال= كان يفزع ولد نافع ولا يبالي
شي ضيق عليه ماهو قلت مال= ولاطوتني محبة لابس الشالي
ومن يواخذ ربوعه في خطا جهال= اوتسمع كلام القيل والقالي
راح ماله مع اهل المعرفه منزال= وصار في عزلة ٍ ماحوله الوالي
والنهايه عدد مارشرش الهمال= من مزونن بروقه تشعل اشعالي
التحيه لعبس اربوعي الابطال= نعم في عبس تاجي نسل الابطالي

مرحبا والسوالف معاك طوال=كل ماجيت ابقصر وضعها طالي
بس لاتشيل هم الوضع يارجال=باكر العيد والبس بشت وعقالي
اترك الوزره اللي ماعليها اقبال=في خليج العرب ماتسام بريالي
انت وضاح عبسي وطيب فال=بس ماقلتلي ياطيب الفالي
غيبتك غيبة الماطر الهمال=في غيابه يصيب الديره امحالي
انت محور قناتاً تبث ارسال=كيف تقطع عليها وصل الارسالي
كان عندك قضيه لها حلال=ازهم معزب الضيفان بالحالي
يركب اللي سنامه تقول هلال=نازلاً مقدمه ومخره عالي
اشهباً غاربه من شمس حام اللال=يطوي الارض بالاقفا والاقبالي
ماغواه الطريق اللي يشق الجال=لو ادياره خليه مابها الوالي
شنّته فوق جنب الحر ماها زلال=وتمرته وسط خرجه طعمها حالي ههههه
لين يلفيك ياوضاح يارجال=وانتوجه لعمك طيب الفالي هههههه