قال المثل عرف النشاما غنيمه=لكن في موقعك مامن غنايم
العازمي ماخطا وقال الشتيمه=الشك في نفسك عطاك الشتايم
وضاح يا وضاح خل الظليمه=وقت القيامه الظلم يصبح ظلايم
حنا نقول ان النوايا سليمه=ولا يستشك الا خبيث العمايم
يا وجد حالي لسلوم القديمه=الضيف له ماجوب ياهل العزايم
السيل لا يعقبه يا قوم ديمه=ألغو السوالف قبل وقت الندايم
العسكري سجل علاكم قسيمه=وقال الحذر لا تكثرون القسايم
وختامها ياهل العقول الفهيمه=دعوه تخلي الحظ بالجو حايم
ويالله يا محيي العظام الرميمه=أرضاك يا محيي العظام الرمايم

كان المكافح عن حقوقي جريمه = والله لاموت ولاوقفن الجرايم
انا اخو مزنه مالتفت للهزيمه= لو دون حقي يكثرن العظايم
حنا لها وقت العصور القديمه= ناضع على روس الشوامخ علايم
ياكم اخذنا من جميع الوسيمه= يوم النهار اللي به الحض قايم
واليوم كن الشيخ مثل البهيمه= خلاه وقته مثل وصف البهايم
قامت تلاقطه العقول السقيمه= اللي عليها الجبن والذل غايم
الحر عمره مارضا بالشتيمه= ودرب الرداء والطيب ماهو ملايم
واذا على النكبات نرضا حليمه= والعذر منهم كل ٍ ايقول صايم
حنا مانرضا لو تولع جحيمه= يهمز ويلمز بالردود العقايم
اما نكرم والقبيله كريمه= ولاعن الديره نذب الخرايم