أخواني .. السلام عليكم ورحمة الله وبركاته ,,

بصراحة ليس لدي ما يرتقي لإذواقكم الرفيعة
ولكن طال الغياب وكان لابد من المشاركة
وكانت هذه المتواضعة ..

ياهجوس البال .. للسارين شبي= نار .. جذوتها يغذيها أشتعالي
لي سنه والوقت لونه مشلهبي= لا برا أعماسي .. ولا فاحت دلالي
وأن صحى جمر من الشوق امتخبي= فاح صدري .. وأختليت بفج خالي
أقصده .. كنه سبب شوقي وحبي= وتسلى .. والا أنا ماني بسالي
يحفظ أسراري .. وصمته مستتبي= وأن سألته ما نشدني عن سؤالي
يوم أجيه أنسى بعض مدحي وسبي= وفي سماه أهد لطيوره ( خيالي )
القصيد .. أتعب بشرواه وتعبي= قبل أماريبه على حمر الزوالي
يانسانيس الشمال .. أسري وهبي= هفهفي بعصير للغصن الشمالي
السكون اليا أعتراه أشعر بذنبي= وأرتعش من وحشته وأنا لحالي
كل مايغشاه ليل أفتح ( مشبي ) =وأركي الدله عل جمر أنفعالي
ما بقى للصبر عمر .. ولا شعربي= غير عضو من عضاي .. ولا بقالي ..
كود ( حره ) كل ماراحت تخبي= الحشا ميدانها والفوز فالي
وأن ورد غيري ( للنهر الميسسبي )= مابرد كبدي سوى النهر الموالي
يلتقي دايم مصبه مع مصبي= بين ضلعين تحت فية ضلالي
لي خفوق كل ماهوجس يلبي= هاجسه ( سيد ) وخطواتي ( موالي )
أن توجد صرت للشعر ( امتنبي )= كل بيت أضيفه ( صاحب معالي )
والوصال .. اللي من أجله مستحبي = تقطع أنفاسي ولا يقطع وصالي

يانسانيس الشمال .. أسـري وهبـيهفهفي بعصيـر للغصـن الشمالـي

السكون اليا أعتـراه أشعـر بذنبـيوأرتعش من وحشتـه وأنـا لحالـي

لـي خفـوق كـل ماهوجـس يلبـي هاجسه ( سيد ) وخطواتي ( موالي )
أن توجد صرت للشعـر ( امتنبـي )كل بيت أضيفه ( صاحـب معالـي )

يالله ماهذا الابداع
احسدك على هالنص الشامخ
بديت اغار بصراحه

ههه

صح لسانك حتى ترضى