الاوله جعل توجر ياحفيد الناس الاخيار= اللي بوقت الرخا ولا الصعايب يعرفوني
عساك سالم وخذ مني يالصاحب زين الاعذار= عز الله اني مسافر لين فيكم علموني
ولا الزياره علينا فرض وانته صاحب وجار= قدرك على الراس لكن بالخطيه سامحوني
وما الخطا لاتحسبه وانت شيخ بعيد الانظار=الناس تبطي عن الموقع ترى ما يدخلوني
وما الصداقه حكو عنها رجال اكبار وصغار= ياكثرهم بالسعه وعند الطلب مايوجدوني
لكن عنز على اللي للعظم ياكسر جبار= الواحد اللي بكلمة كن مايبغا يكوني
وختامها ماسجع ورقن على ملموم الاشجار= يالعي طرب فوقه البراق مع رش المزوني
الزكا التحايا عدد من داج رجلي وسط الاقطار= من خلقت آدم لحتى الناس برضه ينتهوني

اشره على ريئس الموقع ماجتني منه الاخبار= وشره على نايبه وش علمهم مايسعلوني
وشره على السبع قطاع الفياف وجرد الاقفار= اللي بوقت السعه يقول احطك في عيوني
وشره على ناصر صويان وقت اللا زمه بار = اصحابنا بالسعه ياليتهم ماصاحبوني
عز الله ان الفكر من مايشوف اليوم مندار= لهاتفن وصلني منهم ولاهم راسلوني
واما البقيه وفو من نجد واللي يم الابحار= ناسن تكلم على الهاتف وناسن زاوروني
واخص بالشكر من علق علينا بعض الاشعار= مفسر الحلم وبن جوهر اللي مايهوني
ومعزب الضيف جعله مايشوف بوقته اضرار= عز الله انه وفا بالطيب مع زين الحوني
العافيه ماتدوم وما كتب للادمي صار= تخفيف ذنبن حصل وانتم عساكم تسلموني
وما الختم ياخو صلفه لو تلف يمين ويسار= مادام انا حي ياختمي فلا له تاصلوني ههههههههه
وصيتي لليماني من قبل قصاف الاعمار=ان مت ختمي بجنبي ياليماني تدفنوني ههههههههههه

ماجور ماجور يا ناصر خنيفر عمدة الدار= سلمت يا جعلكم من كل شر ٍ تسلموني

تشره عليه ومشروهك عليه جنه ونار=جنة مرؤه ..ونار اعتاب محسنت الظنوني

(الأوله).. والله اني مادريت ألا من الجار=جاب الخبر من طروش او من رسالة كلموني

فزيت فزت زراج ٍ شلّع من الماكر وطار=وازعجت نجم المجره من تناهيت الشجوني

واخذت من قلعة التاريخ عبر ارسال الاقمار= صورة محل الحدث وازرت تميزها عيوني!

لكن بروق الحيا لاحت ..تبشرنا بالامطار=والعد مخلي جنابه من مجاهيم الضعوني

(والثانية)من عيوني خوذ حقك وانت تختار= العذر ما هو مجملني وقدرك مايهوني

انوب عن صاحب الموقع وعن وافين الاشبار=لو انهم دون مشروهك عليهم ما ارسلوني