من اللي .. رامي ثياب الحداد بوجه .. تنهيدك=من اللي .. سبّب دموع البحر واقفر .. شواطينا .!
من اهمل نزف .. شريان الاماكن .. في مواعيدك=من اللي .. شد ازارير القميص بنبض .. امانينا
من اللي .. شايلن نعش الحنين اعطش .. عناقيدك=من اللي .. علّم النآي الحزين بعزف .. اغانينا
يآبخت الصبح ! عانق وردة النرجس .. وسط ايدك=نزع منك .. النعاس وجىآ .. على ليلك يعزينا !
قم اغسل .. بالشذى وجه القمر .. واقطف اغاريدك=قم ابشر ..! قم تقهوى غربتي .. بالنور غطينا
تعال وقلّب .. اوراق الجرايد .. واحذر تكيدك=آخاف من الورق .. يجرح يدينك ثم .. يبكينا !
واذا قمت .. اتمخطر بالحدايق .. صعب تحديدك !=يغآر الورد .. ويثور السحاب .. ويضحك المينا !
يجي ضل الشجر .. يفرش لحافه في .. تساهيدك=وانا اتبعثر .. مع الريح الحزينه والشقا { لينا }
احبك .. من شتاي اللي تهمّش في .. مواقيدك=الين آخر حدود .. القيض في ذاته .. يواسينا
قصيده ! يوم اقول انك قصيده .. فكلي قيدك=على صدر .. المسآرح نقّط الشعر .. بأذانينا
جَلَد معطف .. وصل حبك .. مطر .. من سحب تشديدك=كتبت البعد .. فوق جدار وصلك يوم .. تغوينا !
تعب سآق .. الحناجر ينثني في درب .. اناشيدك=تعب وجه .. الدهاليز الكئيبه تنتشي .. فينا
يا نشوة قاف .. حزني من رماني عاني فـ بيدك=من اللي اجبر الفقد .. يتسوّل في ليالينا !
من اللي .. بل ريق الشوق واصبح داخلك .. سيدك=من اللي .. خبّر الشمس الغروب .. وكيف تمسينا !
يمر الوقت .. ويطرّيك بافكاري .. وانا اعيدك=واترجم للعذر .. سر البعاد وعشق .. ماضينا
ياليل حداد وجهك .. والنعش في تيه .. تنهيدك=ياليل الدمع .. من عين البحر .. تذرف شواطينا .!