قبيلة بني رشيد - رباعيه حفل بن ساكت 00000!!

إقتباس:

اقتباس من مشاركة سعد الشقل (المشاركة 49429)

السلام عليكم

حبيت انقل لكم المحاوره التي جرت بالمدينة المنوره بحفل ابن ساكت

وهي رباعيه بين الشاعر ثنيان ابن سرور والشاعر سالم معزي والشاعر عبدالله عتقان والشاعر منيف المنقره

اليكم المحاوره المحاوره الرباعيه

سالم معزي

انت يا منيف لك مده عن الدار غايب
بس نسمع بذكرك مع نسيم الهبايب
ننشد الناس لكن ما عرفنا السبايب

والخبر تسمعونه في قناه الجزيرة

منيف غايب له سنه وشويه *** وانا احمد الله يوم عندي جابه

ثنيان الرشيدي

يابن عتقان قرب والليالي طويلة
يا بعيرن تحمل للحموله الثقيله
فيه عندي زناد ومشتهي له فتيله

والخبر تسمعونه في قناه الجزيرة

الملعبه يا صحابنا محميه *** ماهي في بيت يقفل بابه

منيف المنقره

يا طويل العمر وان كان تبغى الحقيقه
وش نسمي الرفيق الي يضيع رفيقه
انت دورتني بين الهدى والحديقه

والخبر تسمعونه في قناة الجزيره

منيف خلك معه حسب النيه *** مالك ومال العالم الكذابه

عبدالله عتقان

يا ثنيان حاسب يا بعد راس مالي
ما يشيل الحمول الا كبير الجمالي
عندنا زند مثلك وانتبة يا حلالي

والخبر تسمعونه في قناه الجزيرة

يا طير بن برمان جبت الحيه *** ليت الكويتي ما كشخ بثيابه

سالم معزي

يوم ادوركم ماهو حب ياخوي فيكم
بتسلى معك يا منيف ومزح عليكم
الله انه على زين الدروب يهديكم

والخبر تسمعونه في قناة الجزيره

منيف صارت نيته ملويه *** ولي تلوى ما حسبت احسابه

ثنيان الرشيدي

يابن عتقان هاك العلم كله لعلك
تنبسط يالغليم قبل لزعل وتلك
انت صاحب عزيز ويمكن اني ماملك

والخبر تسمعونه في قناه الجزيرة

انت سلمي منسدح بالفيه *** ما ينتبه لو تدعسه دبابه

منيف المنقره

ان بغيت ان تمازح ما ختلفنا انتمازح
وان بغيت ان تطارح مختلفنا اننطارح
وانت يا طير جارح قابلك طير جارح

والخبر تسمعونه في قناة الجزيره

في بلادنا الافعه تسمى جنيه *** .........

عبدالله عتقان

ان هبطنا لوسط السوق نشري ذبيحه
ما ندور على المترديه والنطيحه
اسمعو كلمتي يا طيبين الشريحه

والخبر تسمعونه في قناه الجزيرة

وانت كويتي طاقيه طاقيه *** وسط البلد يا صحابنا وش جابه

سالم معزي

اسمعو كلمتي يأهل القلوب النظيفه
يمكن امزح معه مزحه ثقيله خفيفه
وتولع معه وسيب حتى الوظيفه

والخبر تسمعونه في قناة الجزيره

في بلادكم يذكر لنا جنية *** تطرد ورى الي بيده مشعابه

ثنيان الرشيدي

أهبطو كل عام لا عليكم خلافي
وأما حنا رجالن باللوازم نشافي
ما ذبحنا الضعوف ولا نحب الضعافي

والخبر تسمعونه في قناه الجزيرة

حرام ما ضحيت بنعيميه *** الا بعيرن كبر ضرسه نابه

منيف المنقره

ارفع الرمي يا سالم ورى الرمي هافي
انت منت بضعيف ولانت مثلي سنافي
لعنبا الضيقه بيحن لي بعض الخوافي

والخبر تسمعونه في قناة الجزيره

ما باقي الا ترسل لنا البرقيه *** وابو شنب يفتل عليك اشنابه

عبدالله عتقان

بين دمع العيون وبين جرح المشاعر
مرك السيل يا ثنيان منت بشاعر
لعنت الله على منهو مسميك شاعر

والخبر تسمعونه في قناه الجزيرة

لا تنفتح شفراتك السريه *** أثرك لشفت الجمل ترضابه

سالم معزي

رمينا ماهفى بس انت تبغى اتهرب
دربوك العرب وانت من اول مدرب
والمعرب على قول العرب ما يعرب

والخبر تسمعونه في قناة الجزيرة

هرجك ما هز شعورنا موليه *** وصقر يجرح صيدته مخلابه

ثنيان الرشيدي

يا عظامن تكسرتي لكن ما جبرتي
حدج الله على شي خطر ونجبرتي
يخسي الي يقول انك سوات الجبرتي

والخبر تسمعونه في قناه الجزيرة

يالصاحب الي تلحس الشبريه *** بالله راس الموس وش تبغابه

منيف المنقره

كيف اباهرب وانا بن منقره بن مناحي
وانت تبغى النجاح ولا حصلك نجاحي
ابعد شوي لا يقرب مراحك مراحي

والخبر تسمعونه في قناة الجزيره

ما باقي الا نطلب الدوريه *** ولعب ليا لعبولك اللعابه

تسلم ياسعد ولاهنت