البارحة وأنا بفكري شواريد=أشف فرع الكيف وأكب قاعه
أسرح بلمة ناشرات المفاريد=وأسج مع ضيق المدى وإتساعه
خسارة الموقف وجدوى التواجيد=وجهي عملة في غياب البضاعة
ذخرتها لوقت الرجاء وعيت تفيد=ماسدت الأرماق وقت المجاعة
أجبر قدم رجلي على طوية البيد=وتلقى لها بصبري غناة وقناعة
مثابر مايعزي الكبوة بكيد=يحشم مطيحة حشمة لإرتفاعه
على الطريق ولابقتلي مقاعيد=مضيع وداعه وراعي وداعه
صدري تحت رحمة سيوف المناقيد=من ضاع درع ذلني في ضياعه
يبعد لي قريب ويقرب لي بعيد=وانا فقير ولا ورايه طماعه
أقرب عباد الله وأبعدهم وليد=رأسه مطيع ولا لرأسه مطاعه
يضرب بكفه حيد ويكسر الحيد=كفه يطول وتلتوي لي ذراعه
عيدت قبل أعايده في ضحى العيد=وصام رمضان ولازمنه طباعه
والملح لا عشم خشوم البواريد=ضاع الدليل وجارع المر زاعه
وإن قالها الله وإستوى الحظ يافهيد=جاك الكلام اللي يسرك سماعه
من قبل لأكرر للأسماع وأعيد=مثلك على باعي يطاول بباعه
إن ما برك للحمل راع المعاويد=مالي على الحمل العسير إستطاعه
أما لقيت بوقفة الذخر مأريد=وألا من الشرهة عفيت الجماعة

البارحة وأنا بفكري شواريد=أشف فرع الكيف وأكب قاعه
أسرح بلمة ناشرات المفاريد=وأسج مع ضيق المدى وإتساعه
خسارة الموقف وجدوى التواجيد=وجهي عملة في غياب البضاعة
ذخرتها لوقت الرجاء وعيت تفيد=ماسدت الأرماق وقت المجاعة
أجبر قدم رجلي على طوية البيد=وتلقى لها بصبري غناة وقناعة
مثابر مايعزي الكبوة بكيد=يحشم مطيحة حشمة لإرتفاعه
على الطريق ولابقتلي مقاعيد=مضيع وداعه وراعي وداعه
صدري تحت رحمة سيوف المناقيد=من ضاع درع ذلني في ضياعه
يبعد لي قريب ويقرب لي بعيد=وانا فقير ولا ورايه طماعه
أقرب عباد الله وأبعدهم وليد=رأسه مطيع ولا لرأسه مطاعه
يضرب بكفه حيد ويكسر الحيد=كفه يطول وتلتوي لي ذراعه
عيدت قبل أعايده في ضحى العيد=وصام رمضان ولازمنه طباعه
والملح لا عشم خشوم البواريد=ضاع الدليل وجارع المر زاعه
وإن قالها الله وإستوى الحظ يافهيد=جاك الكلام اللي يسرك سماعه
من قبل لأكرر للأسماع وأعيد=مثلك على باعي يطاول بباعه
إن ما برك للحمل راع المعاويد=مالي على الحمل العسير إستطاعه
أما لقيت بوقفة الذخر مأريد=وألا من الشرهة عفيت الجماعة