قبيلة بني رشيد - نرجو التصويت على اجمل 6 ابيات

إقتباس:

اقتباس من مشاركة ناصر خنيفر (المشاركة 1037625)

نرجو التصويت على اجمل 6 ابيات غزليه وكذلك 6ابيات فكاهيه بالددسن وصاحبها بغض النظر عن معرفة الاسماء والمجامله

--------------------------------------------------------------------------------

ناصر خنيفر

جيت المكان اللي سكن فيه محبوب
خالٍ خـلا ماكـن رجلـه مشتبـه
ماغير قطعان الجوازي مع ذهوب
وشهب الذيابه باالظـلام اقنبتبـه

المحيط الاطلسي

ياوين اعين مترفً يسحب الثـوب
قلبي على طـول الليالـي غدتبـه
خدر العيون مخصر الوسط رعبوب
طيفي اليا نـام العـواذل سرتبـه

هويدي بن صبح

شفت العيون اللي بها الزين مسكوب
تسبا الضمير الي همومـه غدتبـه
يابن خنيفر حالتـي حـال مطلـوب
من جادلً سيف الكويـت اسكنتبـه

الحجازي

يا دار وين اللي ربا فيك نبنوب
الي غلاها وسط قلبـي نبتبـه
اللي عليها دمع الأعيان مسكوب
وهموم قلبي من بعدها عثتبـه

قسورة الغاب

الي ليا منـه بـدا الهـرج بسلـوووب
لـو ان قلبـي فـي يدينـي غدتـبـه
لعيوووونها ما خط للشووووق مكتوووب
سـلام مـن قلـبً شـقـا مادرتـبـه

شاعر الثقلين

ابو ثمان ٍ كنها الشـاخ مصبـوب
والتبر يزهى صدرهـا مازهتبـه
وتحت الثمان الجمر بالكير مشبوب
وقلبي شلع وبغصن سدر التوتبـه

وضاح اليمن

عس السحاب اللي تركز له نصوب
يمطر على دارن دبشهـم رعتبـه
انشهد اني من عنا الحب مصيوب
محبتـن خفـاق قلبـي صطتبـه

البرمكي

الصاحب اللي مامشا كل عـذروب
اهل النمايـم باالقفـا ماهرجتبـه
عليه اجاوب ساجع الورق بغروب
ويضا بصبح الشمس يوم اشرقتبه

الاشقر

انا اشهد ان الحب فنجال مشروب
فنجال وافـي والاوادم ضرتبـه
ترا الوفا في عالم الحب مطلـوب
قانون واجب والعوارف مشتبـه

ناصر خنيفر

يازين لاتعطـي مواعيدعرقـوب
الحب كم غيـري رجـال ابتلتبـه
تكفا اسقناشهدن من شفاك مذيوب
خافي وقصاص الاثر ماعثرتبـه

شاعر الوطن

دنيا عجايب بين ناكب ومنكوب
كم واحدن دنيا حبيبـه غدتبـه
في صفحه التاريخ باقي ومكتوب
مجنون ليلا والخلايـق حكتبـه

خطاف الشعار

غرواً حسين الـدل فاتـن ورعبـوب
عـزي لقلـبً فـي غنجهـا غدتبـه
أنا أشهد أني من هوى الزين مصيوب
وانا اشهد ان قلبي بسرعـه سرتبـه

منصور بن صبح

راع الهوى لو قال بقنع وبا توب
ماتاب لو سود الليالـي غدتبـه
الادمي ماحط لـه اربـع قلـوب
قلبً وحيد وكـل علـه لجتبـه

النيص

الناس راحو صوب والنيص في صوب
سبـت هنـوفٍ باالهـوا بهذلتـبـه
اليـا نشدتـه جابلـي علـم مقلـوب
باعـت بقلبـي باالغـلا وشترتـبـه

المعزب

تلعب على اوتار المعاليق مسحوب
تزيـد سرعـة خافقـي لعزفتبـه
شايب ولاني بالهوى مثل شيبوب
مثل الوضيحي حجتـه ماسعفتبـه

القسوره

مالذ لي مطعم ولا لذ مشروووووب
من يوم قلبي باالفـراق اغدرتبـه
حبه معلقني علي راس مشذوووب
مكانهـا الـي للـقـا عنزتـبـه

وضاح اليمن

وضاح مثلك يصفقه كل لاهوب
غزال صنعا باالهـواء عذبتبـه
ياعاقلٍ يوسف على ابوه يعقوب
تردلي خلن ضروفـي نحتبـه

الاشقر

محبوب قلبي غير عن كل محبـوب
ليـل الدواهـي والثقافـي سرتبـه
حتى الشعر بالوصف عاجز ومغلوب
الزيـن يسحـر والحـلا ماطغتبـه

الحر النداوي

ياونتي ونت عراوي على الهوب
في قار مكـه فرهـا وفحطتبـه
شيهانت(ن)يادوب مخلابها دوب
صفت طوابير الحرار ومشتبـه

القسوره

ددسن محذيهـا كفـارات دنلـوووووب
تـشـق خــد الـقـار لافرملـتـبـه
سواقها بطران مصدووووع مذهوووووب
يبـي يـعـدل غتـرتـه واطحستـبـه

شاعر الثقلين

عدادها ماهومع الوقت محسوب
مليون عد ومن جديد ابتدتبـه
وسواقها بلسانه المرمذيـوب
اسبوع يطويها يليـن اقلبتبـه

المعزب

وضاح قلبه من هوى عدن معطوب
بجبالهـا مـن قاتهـا خزنتـبـه
على امره الزيدي من الحب مغلوب
بنت الهـواء بعيونهـا سحبتبـه

ناصر خنيفر

الشاصي اعوج والبدي صار مضروب
مـا فيـه عايـر مرتـه ماصدمتبـه
وسواقها عند العرب ماهو مرغـوب
مشاكلـه وسـط السجـون احذفتبـه

زلزال الرعود

والزيق الاصفر والشطرطون مسلوب
كـم واديً غـب المطـر غرستبـه
مركوب يا ويه على البـال مركـوب
ميـر ان غربـال المعنـى لفتـبـه

وضاح اليمن

وصطابها بسود شطرطون مضبوب
ومكينـتـه لافـرهـا دخنتـبـه
وسكانها يلعب كما لعبـت الطـوب
والقير يومي والنمـر مامسكتبـه

صح الله السنتكم كلكم مبدعين بيض الله وجيهكم ولافيكم كلام

اصوت لكم كلكم
وتقبلو خالص الود والتقدير