والا يابو هادي واعذابي من الخلان=تعذبت معهم بس سرداد مردادي
أببعد لكن قلبي على شوفهم ولهان=معلّق وقلبي يمهم صار منقادي
غلاهم معي يسري مع الدم والشريان=غلاهم تمكن يابو هادي من أفوادي
لون الزمان بخيل بالوصل والتحنان=يبعدك عنهم بعد لندن وبغدادي
ولونك ماتعرف رقم هاتف ولا عنوان=ولونك بوسط بلاد والخل ببلادي
ماتنسى غلا من رمشها يكسي الاعيان=ولا شفت بطنه قلت ماياكل الزادي
تولعت في عنقه وفي عوده الريان=وتولعت باسمه صار عندي ماهو عادي
ماينشد عن أحوالي وعن طرفي السهران=وهو يحضر بفكري ويحضر بمرقادي
أكابد هموم القلب واصخر من القيفان=لعله يخفف هم في قلبي ازدادي
هذا الحب واعقابه وخيمة على الانسان=لكن النصيحة لا تجيله يابو هادي