اقتباس من مشاركة عابدالبراك (المشاركة 770283) ابوعوجه يبلف الناس لاذن بالصلاه=لاقين ناسن تصلي معه صلابها مير انا بقراه ذا الليل وبين خفاه=والعلوم الثانيه حاسبين احسابها

ابو عوجه جاك وانته من المغرب تباه=وانت من صليت فيهم على محرابها
كيف تقراء وانت لامرك الحرف تهجاه=لاتورط مع رجال ِطوال الشنابها

لك ثلاث اشهوروانته تدور للقناه=يوم جتك اليوم وش فيك ماترضابها
المعلم مايتهجا رفيعن مستواه=يعرفن الروس ماهي سوات اذنابها

اقتباس من مشاركة عابدالبراك (المشاركة 770307) لك ثلاث اشهوروانته تدور للقناه=يوم جتك اليوم وش فيك ماترضابها المعلم مايتهجا رفيعن مستواه=يعرفن الروس ماهي سوات اذنابها

عوجة الاعوج خطيره تسبب لك وفاه=ياوسع مدخالها وياكبر مضرابها
احمد الله يوم سنك ماطبح من جماه=الذيابه ليه نابك مايشبه نابها

انت متعود عل الدف في حزت مساه=تاكل المقسوم والنار من شبابها
لاتعود المشكله كل واحد من خطاه=انت راس المشكله وانت راس اسبابها

اقتباس من مشاركة عابدالبراك (المشاركة 770364) انت متعود عل الدف في حزت مساه=تاكل المقسوم والنار من شبابها لاتعود المشكله كل واحد من خطاه=انت راس المشكله وانت راس اسبابها

بعد مضراب الاعوج شوف وجهك بالمراه=انت اكلت القمه اللي محد يرضابها
تكفى عدل عوجة الاعوج وعجل دواه=دسم الله لحيتك كلها وشنابها

مبتلي والمبتلي ضاقت ارضه مع سماه=انت مثل الحيه اللي لهبها دابها
ياالله انك تستر اللي يدورلنجاه=مير بعض الناس ماتستتر بثيابها