بسم الله انا اقول على حسب يمكن يكون الزواج من الاقارب اجابي ويمكن يكون سلبي ويكون اذا كانت البنت مو راضيه اما الزواج من الاغراب يكون سلبي اذا البنت تتزوجت من غير اهلها ويعيرها زوجها بأهلها يقولها انقلعي يا بنت فلان ولا بنت الفلانين ويمكن يتزوجها ويطلقها ويلعب عليها ويخون اما القريب مضمون وما يخون وعلى قولت القوم حلات الثوب رقعته منه وفيه واللي تصبر على زواج الاجنبي كنها صابره على قرصت الحيه لما فيه من مشاكل كثيرة واما بالنسبة ان كان ما يحبها قريبها او هيه ما تحبه ليش يتزوجون ممنوع المرة تتزوج الواحد الا اذا وافقت مدامها موافقه مافيه مشكله هيه اللي اختارت واما بالنسبه لسوال و هل هذا الشي موجود في عائلتكم ؟؟ وماموقفكم منه ؟؟
نعم موجود وموقفنا منه له اجابياته وله سلبياته على حسب علاقه الرجل هوه وزوجته وارى انه من الاجابيات ان كان شافها عند الخطوبة وعجبته وهو عجبها ورضوا في بعض فلا ضير ان يتزوجها ابن عمها او قريبها هوه اولى بها من غيرة انا اؤئيد الزواج من الغير اذا كان الرجل صالح وماله سوابق وملتزم اما اللي فيهم سوابق مثل الخمر المغازلة الوساخة والبلا مالنا ومالهم لا هم لنا ولا حنا لهم ورايي اؤيد زواج الحجز بشروط اذا وافقت المراءة والرجال خلاص واؤيد الزواج من الاغراب اذا كان رجل صالح وغير مشكوك باطباعه مثل الخيانه او التزوج من بنات الناس وتطليقها وهذا رايي مدري توافقوني ولا لا والسلام عليكم ورحمة الله وبركاته تقبل مروري

جميل كلامك وواقعي

لكن نحمد الله ان فيه ابآء واقعيين ولهم نظرة جميله

وتسلمين يالغلا ع مرورك الجميل وكلامك الاجمل والنظرة الحلوة لك والصآئبـه ..,

انت شطت شوي عن الموضوع اخوي هههههههههههه

انا ماقلت انه لازم من بعيده
انا اول

مثلا تكون محجوزة بنت عمتي واطلع وآخذ بنت خالتي واطنش بنت عمتي < مو بعيد

انت وش رايك بـ الحجز من بدري

ولاكمك حلو يالغالي وتسلم ..,

موضوع واقعي موجود منذ الازل ولم يزل..!!
افكار باليه لازالت تعايش مجتمعنا..وتعلن سلطتها على الفتيات والشباب..تحدد العلاقات وتحرم ابسط الحقوق وهو حق الرفض والقبول الذي نص عليه ديننا الحنيف..

باعتقادي انهم الاهل..لان العادات والتقاليد نحن من وضعناها فمن السهل التراجع عنها بتكاتف العوائل والاسر لمنع هذه المسأله
علاقات النسب..
الرفض قطعياً لفكرة الحجز ..سواء كان يدرس او يعمل..
فلست سلعه ليحجزني

إقتباس:

وهل هذا الشي موجود في عائلتكم ؟؟ وماموقفكم منه ؟؟

الحمدلله ليس موجود بالعائله..
فنحن عائله متفهمه وواعيه لامور الدين..ولحقوق الابناء
وشعارنا (رووح بعيـــــد ترجع سالم)

-------

للزواج قدسيه..فهو رابط بين روحين ومعيشه قد تدوم لسنوات وقد ينتج عنها ابناء..فجميل ان يكون برضا الطرفين

%القناص%

موضوع رائع لقضيه معاصره..
اسأل الله ان تختفي مع الزمن

يعطيك العافية القناص على الموضوع اللي حقيقة موجود الى الآن ومازال
مرور ولى عودة ان شاء الله

يعطيك العافيه القناص على طرحك الواقعي

\
\
ولكن هالظاهره كل ما لها وتختفي مع الايام لو لاحظت انها تتلاشى وتقل تدريجياً والان صارت قليل ما تحدث

والحجز والتحيير قضيه شائكة الجوانب ومعقده التفاصيل والسبب تزمت الاهل وتمسكهم بالعادات والتقاليد

تحت شعار انت اولى في بنت عمك من الغريب وحلاة الثوب رقعته منه وفيه بدون مراعاة لمشاعر البنت ولا الولد بل بالعكس البنت هي اللي بنتظلم لانها ما راح تتزوج الا مره وحده على عكس الولد الشرع حلل له اربع ويقدر يختار غيرها اللي هو يبي

بس البنت راح تعيش مع واحد اخذها مو لانه يرغب فيها زوجه اخذها لانها بنت عمه وبس ولان النظام بالعائله يحتم عليه هالشيء وا لا لو كان باختياره كان ما اخذها
والله يعيننا على ما ابتلى به مجتمعاتنا من افكار باليه وعقول سقيمه

واما اجابتي عن اسئلتك

من المذنب .في هذا كله. الشاب , الشابه , الأهل , العادات والتقاليد ؟؟
الولد والبنت كلهم ضحايا والعادات والتقاليد ما اجبرت احد على شيء الذنب ذنب الاهل والتمسك بالافكار القديمه
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
العمليه مشتركه بين الاهل والنسب
اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
اذا قالو لي يبي يحجزني اقوول الله اقضب الباب الله لايهينك
اما اذا قالو لي يبي يخطبني افكر بالموضووع بجديه واحدد القرار

وانت ايها الشاب مارأيك في مسألة الحجز وان تكون محجوز لفتاة ؟؟
؟؟؟؟؟
وهل هذا الشي موجود في عائلتكم ؟؟ وماموقفكم منه ؟؟

كان موجود والحمد لله الحين الناس على وعي اكبر وتفهم اكثر
الحين ما صاروو يعترفوون بالتحيير والحجز الحين عندهم خطووبه
وبس كما هو متعارف عليه لاتتم الا برضى البنت والولد

ومو معنى كلامي انها مختفيه بالمره ومو موجوده بالعايله ==> بيني وبينكم احيان تجيهم شطحات غريبه الله يهديهم

اما عن عائلتي اهل بيتي بالعكس ناس متفهمه وواعيه وترفض هالتفكير وترفض ان بنتها تاخذ واحد غصب عنها ولا تحدد مصير البنت الا لما تاخذ برايها ==> ربي يخليهم لي

الله يعطيك ألف عافيه على الطرح الرائع
والله لايهينك

نآيـف _ كحيلآن

بـ انتظار عودتكما ..