بالنيابه عن عقيد القوم ياجنود العصابه= كل راسٍ فيه شر وغي من جسمه نشيله
غازيلك بام صتمه والخطر فكيت بابه=من خبالك يابو خالد تنطح دروع ٍ ثقيله
حزبنايرسي كما ترسي على الصحراء هضابه= عزتي للي نطح قوه ببندق عزتيله
وبن عطوان المشعوذ بلغه قرب عذابه=يانتها شهر رمضان اما يجي ولا نجيله
وادري انه ماش رابط بينا باصل وقرابه=عبس معروفه قبيله واليماني من قبيله
مار ابه جيره وخوه عشرة اعوام ٍ حسابه =وبو تركي واليماني ساكنينن بالمسيله
مايصير اترك صديقي لثعاله والذيابه = من صفا معنا وقفنا معه بيات الوسيله
ليه ماقف دون رجلٍ قدمنا ماصك بابه=رشحن شاعر كبير ولا يصير انسا جميله
وبلغو سرحان كانه مايبا تكسير نابه=لايعدي خلوه يمرح في مداعيب الخميله
وبلغو يعقوب جعل يعاقبه منشي سحابه=لا يتمحرش بالرجال اللي يفكون الدبيله ههههههههههه
اقرو التحذير هذا ولا نبي رد الاجابه=اصمتو مثل البطل لارص بركاسه وشيله هههههههههههه

نبتدي بسم الولي قدام نبدى بالكتابه=بعدها نقرا علوم الزيدي لو كانت هزيله
اليماني صار شاعر عقب ماباع القلابه=اشهد انك يا زمنا فيك غدر وفيك حيله
الغرور اليوم في راس اليماني فك بابه=يحسب انه شاعر ن بالكون مايوجد مثيله
يبرق البارق عليك وتمطر الليله سحابه=واليماني في عيونه ما يشوف الا المخيله ..؟
لو بحثنا في مواضيع ن قديمه وبكتابه=كان شفتو ياجماعه خير أشيا مستحيله
تحسب انك فاهم الدنيا وعقلك كالذبابه=بندقيه واحده والادمي عقله دليله
حزبك الي مجمعه من كل صوب وكل لابه=ما وراه الا الغبينه ولا يجيب الا الفشيله
بالله قلي راعي الشلفات من يحسب حسابه=ولا هالمقداد واحد عزتيله عزتيله
حزبكم حزب ن هزيل وهرجنا مابه غرابه=تشهد العربان والوقفات يا وجهه الحثيله
القوافل ما تحركها ترا نبح الكلابه=مير أركد في كلامك لا نوريك الثقيله

اللي وراكم قدمه يابن عطوان=الي موخر يابيض الوجه قوله
حنا توكلنا شرف سر وعلان=ونبنا عن اللي تعرفه في فعوله
تعرفه في يوم المغازي ولا كوان=ياكم عقيدن حوله من ذلوله
ولياجهلت ارجع لناصر صويان=ونشده كمهو باقين من فلوله
كانك لقيت اكثر من ثنين يافلان= الكم عليه حق يابن الحموله
ماباقي الا انته مع الذيب سرحان=ويعقوب معكم لندم صوتوله
ولا ابو تركي يتبعه عشر فرسان=الكل منهم يستحق البطوله
اولهم الزيدي خصيمك كحيلان=لصاح ابو وزره تمارج خيوله
وسعد ولد عادي لمن ضاق مزبان=ساس الرجال اللي تعرف الرجوله
وسعد فلاح عصابتي وبن حيان= الهم بفعل الطيب صوله وجوله
والقاضي1 اللي ياحتما كل ميدان=شلفاه راس الي يعاند تطوله
وغريب وبو ذيل ذربين الايمان=كم راس فارس عجلو في نزوله
مع فلسفة شاعرومسند وحسان=مع ابو شلفاجعل مالله يزوله
حزب النصر واجه جموعٍ وعربان=بالعد ولا عتاد ماهم بحوله