بسم الله الرحمن الرحيم

.:.
السلام عليكم ورحمة الله وبركاته
.:.
هذه قصيده مهداء من الشاعر : صالح سيف ميزر العازمي
الى الزعيم فايز حامد البغيلي الرشيدي رئيس رابطة بني رشيد

سلام يا رجل الوفا منبع الجود=يالوافي ياللي من رجال الشهامه
الطيب في مثلك ترا ماله حدود=وانتا الزعيم وتستحق الزعامه
مثل ابو حامد ماشين سكت العود=في لابته له قيمته واحترامه
من رؤس قومٍ بالوفا تاخذ الزود=ليا ثارت الهيجه تفك الجهامه
بني رشيد مطوعة كل ممرود=ومن ضدهم وينه وين السلامه
علمن صحيح وثابتن فوقه اشهود=كم من شجاعن هاش والفعل ضامه
خلوه فالميدان وقفو على الذود=من فعلهم عيت تشيله اعضامه
وكل القبايل فيهم الطيب موجود=وعلامة الطيب بصدره وسامه
وانتا تعبت ومبدين كل مجهود=والرجل تعرف سمعته من مقامه
ياراعي المعروف يا كاسب الفود=جعلك سعيد ولا تشوف الندامه
بجاه ربن خالق البيض والسود=اللي فرض شهره لعبده وصامه
ويحميك في دنياك من كل مقرود=اللي امر بنور يجلا ظلامه
واختم جوابي عد ما ذع ذع النود=والطيب في وجهك رسم له علامه