ياهاجسي لك ثلاث سنين وزياده=غائب وكنك مع غيابك محاربني
ماهي إلك والله ياجلاب الشعرعاده=ياللي من أول مدى ايامي مصاحبني
اقبل ترى بالحنايانار وقاده=نارالقوافي سناهاشب واتعبني
ياقابس الشعله الحيه ويازناده=خابرك لاسقتهالي سوق تعجبني
جبها منأعماق شاعرضايق إفواده=حق الرجاجيل والتقديرطالبني
من شعري اللي قديماته مع اجداده=على عزازونقاءمتأسس ومبني
بسوقهايوم فكري عد عداده=للحرالأشقرهجوس الشعرتكتبني
حراًينومس رجاجيله وهداده=ياهاجسي عن مسيره لاتجنبني
حرًابه الطيب ورث ابوه واجداده=سعدوصوبه هجوس الشعرتندبني
سعدونفسه على النوماس معتاده=هومكسبي في علوم الطيب كاسبني
لإبن شويلع سوا الافكارمنقاده=قامت على مستوى الكلمه تخاطبني
الله يجملني ابمدحه وبأسعاده=من هاجساًمن حنايا الروح جايبني
جيت السنافي على وعده وميعاده=اخترت شرواه بالطرقه يصاحبني
نفس بن شويلع لكسب العزوراده=وعزالله انه ابمدحي له مناسبني
ربعه هم الطيب مصداره وميراده=شوالعه للوفاء والمرجله تبني
الحق لازم يقال ويرفع أعماده=والحق جربت به وهومجربني
من فيه خيرٍكلام الحق يعتاده=ومن ياجده في ضميره مايكذبني