من يوم ماجيت في بالي وحبيتك
غيرك نسيته كأني كنت ماعرفه
رايح لغيرك ولاأدري كيف انا جيتك
يرضيك حالي كذا !! ماتشوف لي صرفه
يشدني لك غلا ماينوصف ليتك
شفته وتعرف علام الناس منحرفه
ياصاحبي لو تغيب الشمس وامسيتك
تبقى نهاراً بعيني ماغضى طرفه
اتصدق اني عطيتك قلب واهديتك
زود على القلب حب مانكر حلفه
ماراح يوم بغيابك غير لآقيتك
يعني معي بس كلاً راح في ظرفه







شاعر حقيقي جدا ...


خرجت وانا اردد :رايح لغيرك ولاأدري كيف انا جيتك
يرضيك حالي كذا !! ماتشوف لي صرفه



شديد اعجابي

هلا وغلا اخوي ناصر

صح بدنك
الف شكرا لمرورك وابلغك سلامي واعجابي بجهودك وشعرك ترا متابع محاوراتك
وحمود يبلغك كثير السلام....

تحياتي لك

هلا ابو عابد


انا ماادري وش قصتي معك احسك الحاضر الغايب مو من ناحية الشعر ولكن من ناحية ذاتك

بس الدنيا كذا ماتجي لك على ماتبيها

الف شكرا لمرورك الذي سعدت به

تقبل سلامي لك صاحبك((اللي)))هههههههه

صح لسانك وقصيده رائعه