عـزالله انـه يرفـع الــراس طـريـاك=ويبقى لمجدك مع اهل الطيب تذكـار
اقولها وابصم على العشـر لرضـاك=ياسعود مشوارك مع الطيب مشوار
يستاهل البـل مثـل طيبـك وشـرواك=طيب وكرم واخلاق بالطيـب تختـار
ترعـى نيـاق وضـح بالقفـر ويــاك=تلحـق هواهـا منـت بالفعـل محـتـار
وان عرضـاً بمـزايـن قـلـت حـيـاك=انـا لهـا تمـشـي عـلـى كــل معـبـار
رجـلاُ علـى الطـولات تـمـد يمـنـاك=ماتنقـصـر تزيـدهـا فــوق الاشـبـار
ترضـي بـنـي رشـيـد والله يـرعـاك=ترضاك عبس ونفتخر بك با لاخبار
تنـال منـك انجـاز تضيـفـه اخـطـاك=نفخـر بذكـرك والقبائـل لهـا أذكــار
وضحا معـك تنقـاد تمشـي بممشـاك=تـبـرى لـهـا وتعـزهـا عــز مـقـدار
الله يـعـزك فــي مـمـاتـك ومـحـيـاك=والله يجنب خطوتـك سـوى الاقـدار
شاعر وشعري من هجوسي تعـداك=والمعـذره ياسيـدي يـابـن الاحــرار
بني رشيـد اللـي علـى طيـب تلقـاك=تحيا شيوخك عبس وافين الاشبـار
ربعـي هـل النخـوه وعـزوة محيـاك=عز الدخيل اهل الوفاء واهـل الكـار
خويهـم كلـن يقـول ايـه أنــا فــداك=ودخيلهم مرفـوع عـن كـل الاخطـار
وكلمـة هـلا لضيفوفهـم قبـل حـيـاك=عاداتـهـم لضيوفـهـم شـبــة الـنــار
هم تاج راسي ربعتـي فـوق وهنـاك=واجب علي مدحهـم مـا بهـا أعـذار

اقتباس من مشاركة راعي البلها (المشاركة 22321) تسلم ولاهنت اخوي غازي رحله موفقه وتصوير رائع واشكرك على هذا الجهد الواضح

اقتباس من مشاركة ابوعبدالله (المشاركة 22369) اخوي الغالي والشاعر الكبير غازي البراك ,, ابويوسف بيض الله وجهك وبارك فيك على هذي التفطيه الرااائعه وبيض الله وجه الشيخ سعود الماطر على هذي المشاركه الطيبه ,,, وهذي تعتبر مشاركه لبني رشيد اجمع ,,,, وهو كفو ليمثلها لاهنتوووو يابني عبس وخاصة http://www.9m.com/upload/1-12-2006/0...1164971443.jpg http://www.9m.com/upload/2-12-2006/0.77533011653341.jpg بيض الله وجهك يابويوسف ولاهنت عساك على القوه وعساك ذخر يالغالي وتقبل فاااااائق احترام وتقديري :o

اقتباس من مشاركة الاجهر (المشاركة 22375) مشكور الاخ / غازي البراك عداك اللوم يابن براك دعواتنا للشيخ / سعود الماطر بالتوفيق والنجاح