قبيلة بني رشيد - مساعد الرشيدي يرد على ابن عمه البغيلي

اخواني اعضاء المنتدى وزواره اهديكم رائعتين لشاعرين لكل منهما اسلوبه وبصمته الواضحه .ويعتبر مدرسه شعريه..
وهذه المساجله حدثت في نهاية الثمانينات ان لم تخني الذاكره وهي بين رمزين ( حمود محمد البغيلي و مساعد ربيع الرشيدي ) حيث وجه حمود قصيدة يقول فيها :

يا(مساعد ربيع) اضحك لاتزعلني=خلك ليا شفت وجهي يضحك حجاجك
لك الشرف يوم امثلك وتمثلني=يابحري اللي يضيع القيش بامواجك
اصير لك لقمه لا جعت تاكلني=وليا ذبحك الظما باصير هداجك
ابيك لا ضاق صدرك ماتجاملني=احب انا راحتك مااحب انا ازعاجك
خذني معك في سماك ولاتزللني=خل المسافه تحن لشوف ميراجك
وان شفتني طحت صححني وعدلني=حتى ولو كنت اجيب النور لاحراجك
تراي ثوب(ن) على كيفك تفصلني=تسلمه هامة التاريخ لابراجك
جادلت ناس(ن) على شانك تجادلني=وخليتها يوم فاح القدر تحتاجك
خذ هالقصيده رجا...بس ناولني=بيتين شعر(ن) جميلات(ن) من انتاجك

ثم رد مساعد قائلاً:

ياحمود كل الليالي ماتذللني=لو جيت ياحمود طيب وكنت محتاجك
علمي بصوتك مطر وشموس تغسلني=ياماحلا في نفاه العمر مسهاجك
لو في عيونك من الغيرة تجاهلني=يكفيني اني كسرت الظل بسراجك
اخاتل الليل لين انك تظللني=ياعزوتي واجلد الظلما بكرباجك
انا رفيق العزوم اللي تجملني=الله يحييك طبت وطاب منهاجك
اقلط على هامة الدنيا وقابلني=وعد الطويله وكن الشوك ديباجك
وان جادلك.. ناس عن فجر(ن) تزهملني=مد الرهاوي بمدخالك ومخراجك
وان بح صوتي وشفت الحمل مزملني=اركيت كفي على الشامخ من سياجك
قم شرع الباب للهقوات وازهلني=تبي تزين العلوم ويضحك حجاجك
اما دروب(ن) ورى الحروه توصلني=والا عليك السلام وعود ادراجك

والغريبة أن المختلف توها تنشرهــــا