أنا ما بيك تسمعني وتجبر خاطر المكسور=ولكن كنت أبي تبقى معي في كل حـــالتــي
تبي ترحل عن أيامي ويجي غيري يعيش الدور=الاياصاحبي صعبة تعيش بغيرلحظــاتــي
من إلي يشبه دموعي وقلبه في سنينك نور=ومن مثلي أنا قلي نقش بالصبر أهــاتــي
حبيبي من العبث أحلم وابني للغرام قصور=وتجي في واقعك لحظة وتهدم كل غاياتي
تحريتك وعمري راح وكل الي بقالي شعور=أحاسيس وتتعبني تسولف عن حكاياتــي
بقالك حب في صدري ولوكان الوفى مهجور=فضحني حزني البائس وما غـير قنـاعـتي
مسافة بيني وبينك عواذل وألف باب وسور=وشباك من الماضي أدوره في مــتـاهاتي
أنا ماعاند ظروفي واقول الغايب المعــذور=ولكن طاري الفرقـــى يزيد في معانــاتـــي
تفرقنا وتباعدنا وغدى فينا الزمان يجـــور=حكايا مالها آخـــر وحلـــمي كل غــلطـــاتي
سألت الكذب عن عذرك وأكيد إنه شهدلك زور=عذرتك كان تجرحــني بشكـوى تشبه سكاتي
أنا ما بيك تسمعني وتجبر خاطري المكسور =لكن كنت ابي تبقـى مــعـي بكل حــالـتــي