من هجوسٍ تشعل الصمت بارود وفتيل==فجرت بركان مدري هجير وزلزله
بالكلام اللي يخلَص عميلاٍ من عميل==مابقالي غير سرج الحصان وقنبله
يوم شفت اخر نهاية فرج صبرٍ جميل== ضاق صدري ثم عاود حنيني لجهله
قلت خلَوني على هالسرير المستطيل== واهني من يضحك اخر نهاره ووله
واهني من له من الحظ لوشيٍ قليل== واهني من في هوا النفس ياخذ منزله
واهني من يوفي الكيل عقب المستحيل== واهني من يرقد اليل عقب الململه
واهني من يملك المال والعمر الطويل== واهني من يوفي الدين قبل يغلغله
واهني من يشتري كل عام اخر مديل== واهني اللي إلى ضاق مادام زعله
في زمانٍ عاش فيه المجامل والبخيل== يوم جوناقوم عادي وأكلها مفلفله
لاسقى الله شجرتٍ مالها ظل ومقيل== مير لامنها مضره ولافيها سبله
مثل ماقال المثل عندنا حمل ومشيل== مايشيل الحمل منما يصل ويوصله
ولايقوم بحزت الظيق غير ابن الأصيل== ساعة الشدات فيها تبين المرجله
قالها اللي مابقاله خليل ولاعديل== مابقاله غيرسلَة رسايل مهمله