فرق الرجاجيل.. ماهو بالظهر والمتون=ولا هو بجمع الكثير.. ولا بجمع القليل
ولا هو بكبر المناصب.. والرتب والبطون=ولاهو بوسع القصور الشامخه والدليل
ان النشاما مثل.. شم الجبال الحصون =اللي بهن عن هجيرالشمس.. في" ضليل
لو انهم من رصيد المال.. مايملكون=وهني منهو رصيده.. باللزوم الثقيل
بعزومهم يبلغون اللي عنه يقصرون=اهل الملايين في يوم" يضيع الدليل
لا تاه فكر الدليل وضاع شوف العيون=اعقولهم باللزايم .. تفعل المستحيل
كثير من في صفات اسلومهم يجهلون=وتقديرهم مايطيح.. الا بعين الذليل
اكرام سبلا هل الطاله.. وساع الطعون=اهل المكارم ليا شحت يدين البخيل
عيال عم الوحيد.. اخوان من ينتخون=جماعة اللي طواه الياس طي الصميل
فرحت مقل الجماعه قدم من يطلبون=دمه.. وجاهم يقول انا تراني دخيل
لاجاء لزوم الرجال اللي منه يعرفون=مثل ابيض الصبح مال الكذب فيهم سبيل
من ماذخرهم اليا ضاقت.. يموت امغبون=سلعة ذهب.. والذهب معروف ماله بديل

صح لسانك

ياسهل ولله درك من شاعر

يرفع الراس بالشعر والذكر

والله ان لسان يعجز عن التعبير

الكافي للقصيده وشاعرها

ولك احترامي